កាលពីពេលថ្មីៗនេះ ម្ដាយរបស់តារាស្រីរូបស្រស់សោភាកញ្ញា Pancake Khemanit ត្រូវបានកម្មវិធីទូរទស្សន៍មួយអញ្ជើញឲ្យចូលរួម។ នៅកំលុងពេលកំពុងសម្ភាសន៍ជាមួយនឹងពិធីករនោះ ម្ដាយរបស់ Pancake ស្រាប់តែធ្លោយមាត់ ទម្លាយរឿងកូនស្រីជិតរៀបមង្គលការ ដែលបានធ្វើឲ្យអ្នកនៅក្នុងកម្មវិធី ក៏ដូចជាអ្នកទស្សនាជាច្រើនមានការភ្ញាក់ផ្អើលយ៉ាងខ្លាំងចំពោះដំណឹងនោះ។
ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័សនៅពេលនោះផងដែរ កញ្ញា Pancake Khemanit ក៏ត្រូវបានពិធីករធ្វើការសួរជជីកដេញដោលចំពោះរឿងនោះផងដែរ។ យ៉ាងណាមិញ Pancake មិនបានបដិសេធនោះទេ តែតារាស្រីរូបនេះបានឆ្លើយថា៖ "រឿងរៀបការនោះជាការពិតមែនហើយ តែរូបនាងផ្ទាល់ក៏ដូចជាគ្រួសារមិនទាន់ដឹងថាជាថ្ងៃណានោះទេ ព្រោះមិនទាន់បានទៅគន់គូរមើលថ្ងៃល្អនៅឡើយទេ"។
គួរបញ្ជាក់ផងដែរថា តារាស្រីរូបនេះបានទាក់ទងគ្នាជាមួយនឹងមិត្តប្រុសរបស់នាង គឺលោក Sarawat Mee អស់រយៈពេល ៩ ឆ្នាំមកហើយ នៅក្នុងនោះទំនាក់ទំនងស្នេហារបស់ពួកគេហាក់ដូចជាភាពល្អប្រសើរពីមួយថ្ងៃទៅមួយថ្ងៃ ហើយក៏អាចនិយាយបានថាដល់ពេលត្រូវគិតគូរហើយដែរ៕