ភ្នំពេញ៖ យោងតាមសេចក្ដីជូនដំណឹងរបស់ អនុគណៈកម្មការស្រាវជ្រាវជំងឺកូវីដ ១៩ នៅព្រឹកថ្ងៃទី ១២ ខែមេសានេះ បានឱ្យដឹងថា ក្រុមការងារ (TYDA) បានបន្ថែមទីតាំងយកសំណាកធ្វើតេស្ដរកមេរោគកូវីដ១៩ ចំនួន ២ទីតាំងទៀត។
ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័សសេចក្ដីសម្រេចនេះ គឺដើម្បីជួយសម្រួលដល់ការមកធ្វើតេស្ដរបស់ប្រជាពលរដ្ឋ ខណៈបច្ចុប្បន្នប្រទេសកម្ពុជាកំពុងទទួលរងការវាយពីវីរុសកូវីដ១៩ មិនស្រាកស្រាន្ដ ដោយទីតាំងទាំង ០២កន្លែងនោះមានដូចជា៖
១. ផ្លូវ ឌួង ងៀប ជិតរោងចក្រ ឌីន ហាន
២. វិហារព្រះយេស៊ូ ច្រមុះជ្រូក ស្ទឹងមានជ័យ
គួរជម្រាបថា សម្រាប់ទីតាំងចាស់ៗ បងប្អូនអាចទៅធ្វើតេស្ដបានមានដូចជា រួមមាននៅវិទ្យាល័យបាក់ទូក វិទ្យាល័យបឹងត្របែក មណ្ឌលសុខភាពចាក់អង្រែក្រោម មន្ទីរពេទ្យខ្មែរ-សូវៀត សាលាបឋមសិក្សាសុភមង្គល និងមន្ទីរពេទ្យបង្អែកនៅតាមបណ្តាខេត្តនានា៕
ប្រភព៖ អនុគណៈកម្មការស្រាវជ្រាវជំងឺកូវីដ ១៩