អេស្ប៉ាញ៖ កាលពីយប់ថ្ងៃសៅរ៍ឈានចូលថ្ងៃអាទិត្យកន្លងទៅ ក្លិប Barcelona បានធ្វើដំណើរទៅប្រកួតជាមួយ អធិរាជស Real Madrid នៅឯទីក្រុងម៉ាឌ្រីដក្នុងជំនួប El Clasico នៃក្របខណ្ឌ La Liga ។
ចប់ការប្រកួត Real Madrid បានយកឈ្នះ Barcelona ២ ទល់នឹង ១ ដោយ២គ្រាប់នោះស៊ុតបញ្ចូលទីដោយខ្សែប្រយុទ្ធ Karim Benzema នៅនាទីទី១៣ និង Toni Kroos នៅនាទីទី២៨ ខណៈដែលខាង Barcelona គឺខ្សែការពារ Oscar Mingueza រកបាននៅនាទីទី៦០។
ប៉ុន្តែអ្វីដែលគេចាប់អារម្មណ៍ខ្លាំងនោះ សកម្មភាពរបស់ខ្សែការពារ Gerard Pique បន្ទាប់ពីអាជ្ញាកណ្ដាលផ្លុំកញ្ចែបញ្ចប់ការប្រកួតរួចរាល់គឺគេបានដើរទៅរករឿងលោកអាជ្ញាកណ្ដាល Jesus Gil Manzano ដោយសារតែលោកអាជ្ញាកណ្ដាលផ្ដល់ម៉ោងបន្ថែមតិចពេក។
លោកអាជ្ញាកណ្ដាលបានសម្រេចចិត្តថែមមួយប្រាំនាទីដោយសារតែសម្រាកតង់ទី១យូរជាងធម្មតាព្រោះត្រូវការទុកដាក់ឧបករណ៍របស់អាជ្ញាកណ្ដាលទើប Pique មិនពេញចិត្តនិងគិតថាលោកអាជ្ញាកណ្ដាលគួរឲ្យផ្ដល់ម៉ោងបន្ថែមយូរជាងនេះ។
កីឡាករសញ្ជាតិអេស្ប៉ាញរូបនេះបានចូលមករករឿងលោក Manzano ថា៖
លោក Carlos Naval ដែលជាសមាជិកម្នាក់ក្នុងក្រុមការងារដែលធ្វើដំណើរមកដែរបានព្យាយាមចូលមករារាំងមិនឲ្យ Gerard Pique រករឿងតែ Pique បាននិយាយថា៖
បន្ទាប់មកគេក៏ទទួលបានកាតលឿងមួយទុកជាអនុស្សាវរីយ៍ពីបទតាមរំខានអាជ្ញាកណ្ដាល។
វីដេអូដែល Pique ចូលមករកលោក Manzano បានចែកចាយពេញបណ្ដាញសង្គមអ៊ីនធើណេត ដែលនេះមិនមែនជាលើកទីមួយឡើយដែល Pique ចេញមុខនិយាយជំនួសក្រុម។
បរាជ័យរបស់ Barcelona ទល់នឹង Real Madrid នេះធ្វើឲ្យក្លិបធ្លាក់មកឈរនៅលេខរៀងទី៣នៅ ក្នុងតារាង La Liga ដោយលេខ២ គឺ Atletico Madrid ខណៈ Real Madrid បានឡើងមកកំពូលតារាងវិញ៕
សូមទស្សនាវីដេអូខាងក្រោម៖
ប្រភព៖: goal
បើមានព័ត៌មានបន្ថែម ឬ បកស្រាយសូមទាក់ទង (1) លេខទូរស័ព្ទ 098282890 (៨-១១ព្រឹក & ១-៥ល្ងាច) (2) អ៊ីម៉ែល [email protected]
(3) LINE, VIBER: 098282890 (4)
តាមរយៈទំព័រហ្វេសប៊ុកខ្មែរឡូត https://www.facebook.com/khmerload
ចូលចិត្តផ្នែក កីទ្បា និងចង់ធ្វើការជាមួយខ្មែរឡូតក្នុងផ្នែកនេះ សូមផ្ញើ CV មក [email protected]
ចង់ក្លាយជាអ្នកសរសេរក្រៅម៉ោងមានប្រាក់ចំណូលសូមចុះឈ្មោះទីនេះ
