បន្ទាប់ពីចាញ់ Man Utd លោក Mourinho បានសាងនូវកំណត់ត្រាអាក្រក់ជាងគេមួយនៅក្នុងអាជីព (មានវីដេអូ)

អង់គ្លេស៖ អ្នកចាត់ការទូទៅក្លិប Tottenham លោក Jose Mourinho បានបង្កើតនៅកំណត់ត្រាដ៏អាក្រក់បំផុតសម្រាប់ខ្លួនឯងនៅក្នុងអាជីពក្រោយចាញ់ Manchester United កាលពីយប់មិញ។

ជាការពិតណាស់ ក្នុងការប្រកួតសប្តាហ៍ទី៣១​ នៃក្របខណ្ឌ Premier League កាលពីយប់មិញ Spurs ត្រូវបាន Man Utd យកឈ្នះយ៉ាងចាស់ដៃក្នុងលទ្ធផល ៣ទល់នឹង១ បន្ទាប់ពីនាំមុខគេមុនទៅហើយដោយកីឡាករ Heung-Min Son ប៉ុន្តែ ត្រូវបានក្រុមភ្ញៀវវាយបកវិញពីសំណាក់គ្រាប់បាល់របស់ Fred, Edinson Cavani និង​ Mason Greenwood។

នេះជាបរាជ័យលើកទី១០ហើយរបស់ Spurs នៅក្នុងរដូវកាលនេះ ហើយ​ វាជាកំណត់ត្រាអាក្រក់បំផុតរបស់លោក Mourinho ក្នុងអាជីពដែលដឹកនាំចាញ់ការប្រកួតដល់ទៅ១០ដងនៅក្នុងលីគ។ Spurs ត្រូវបានយកឈ្នះដោយ Everton, Liverpool (ពីរដង), Leicester, Brighton, Chelsea, Manchester City, West Ham, Arsenal និង Man Utd៕

ប្រភព៖ goal