អង់គ្លេស៖ យោងតាមសេចក្ដីរាយការណ៍បានឲ្យដឹងថា ក្លិប Leeds United ជាបេក្ខភាពដ៏គួរឲ្យភ្ញាក់ផ្អើល ក្នុងការតាមប្រមាញ់យក គោលដៅរបស់ក្លិបតោខៀវ Chelsea និង កាំភ្លើងធំ Arsenal កីឡាករ Sergio Aguero។
ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័សអ្នកចាត់ការសញ្ជាតិអាហ្សង់ទីរបស់ក្រុម Leeds លោក Marcelo Bielsa សង្ឃឹមថា កីឡាកររួមសញ្ជាតិ Aguero នឹងមកចូលរួមជាមួយលោក ពេលដែលខ្សែប្រយុទ្ធរូបនេះ ចាកចេញពីក្លិបមេឃខៀវ Manchester City នារដូវក្ដៅខាងមុខ។
បើតាមការចុះផ្សាយរបស់ 90min.com ទាំង Man City និង Aguero បានបញ្ជាក់ថា ខ្សែប្រយុទ្ធដែលស៊ុតបានច្រើនគ្រាប់ជាងគេ ប្រចាំក្លិបមេឃខៀវរូបនេះ នឹងចាកចេញដោយពុំមានតម្លៃខ្លួន នាពេលបញ្ចប់រដូវកាល។
ជាមួយគ្នានេះ ក្លិប West Ham
ក៏មានដំណឹងលេចឮមកថា ចង់បានខ្សែប្រយុទ្ធវ័យ៣២ឆ្នាំ
Aguero ផងដែរ។ ប៉ុន្តែបើតាមប្រភពខាងលើ Leeds អាចនឹងផ្ដល់ពេលវេលាចូលលេងជម្រើសដំបូង ច្រើនជាងក្លិបធំៗផ្សេងទៀត។
ជាក់ស្ដែង បើទោះជាបច្ចុប្បន្ន Leeds មានខ្សែប្រយុទ្ធ Rodrigo ដែលផ្ទេរពី Valencia កាលពីរដូវក្ដៅឆ្នាំមុន ក្នុងតម្លៃ២៧លានផោន ហើយក៏ដោយ ប៉ុន្តែ កីឡាកររូបនេះ រកបានតែ៣គ្រាប់ប៉ុណ្ណោះ ក្នុងចំណោម១៨ប្រកួតនៅ Premier League។
ដែលនេះជាហេតុនាំឲ្យ អ្នកចាត់ការក្រុម Leeds លោក Bielsa ចង់បាន Aguero ដើម្បីមកពង្រឹងតំបន់ប្រយុទ្ធ ព្រោះរូបគេជាកីឡាករមានបទពិសោធន៍នៅ Premier League ស្រាប់៕
ប្រភព៖ thesun