អង់គ្លេស៖ ជោគវាសនា ខ្សែបម្រើ Donny van de Beek នៅទឹកដី Old Trafford ពិតជាមិនសូវកាក់កបប៉ុន្មានទេ ជាក់ស្ដែងគេកម្របានជាប់ជម្រើស១១នាក់ដំបូងណាស់ក្រោមការដឹកនាំរបស់លោកគ្រូបង្វឹក Ole Gunnar Solskjaer ហើយថ្មីៗនេះប្រភពមួយបានបង្ហើបថា ក្លិបបិសាចក្រហម Manchester United នឹងយកគេទៅប្ដូរយក ខ្សែបម្រើ Adrien Rabiot ពី Juventus ។
ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័សVan De Beek ផ្ទេរពី Ajax មក Manchester United កាលពីឆ្នាំ ២០២០ ក្នុងតម្លៃខ្លួនប្រមាណ៤៧លានដុល្លារប៉ុន្តែពឹកមកដល់ទីនេះ គេបែរជាអង្គុយកៅអីបម្រុង ដោយត្រឹមតែជាកីឡាករជំនួសខ្សែបម្រើ Bruno Fernandes ប៉ុណ្ណោះទើបគេមិនសូវបានបង្ហាញមុខលើទីលាន ប៉ុន្តែខ្សែបម្រើសញ្ជាតិហូឡង់រូបនេះធ្លាប់និយាយថាគេពិតជាសប្បាយចិត្តក្នុងការស្នាក់នៅក្លិបនេះ។
យ៉ាងណាមិញ Tuttosport បានបង្ហើបថា Manchester United គ្រោងនឹងយក De Beek ទៅដាក់សំណើដល់ក្លិបសេះបង្កង់ Juventus ក្នុងការប្ដូរយក ខ្សែបម្រើ Adrien Rabiot មកវិញ។
Rabiot ផ្ទេរពី Paris Saint-Germain មកកាន់ Juventus កាលពីឆ្នាំ២០១៩ ដោយគ្មានតម្លៃខ្លួនខណៈដែល លោកគ្រូបង្វឹក Ole Gunnar Solskjaer ពេញចិត្តនឹងសមត្ថភាពរបស់គេនិងចង់យកកីឡាកររូបនេះមករួមក្រុម៕
ប្រភព៖ mirror