អឺរ៉ុប៖ លោក Paul Scholes ជឿជាក់ថា ក្រុមដែលមានលទ្ធភាពដើម្បីចុះហត្ថលេខាយកកីឡាករ Erling Haaland គឺ មានតែពីរក្លិបប៉ុណ្ណោះ គឺ Chelsea និង Manchester United។
ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័ស
ជាការពិតណាស់ Haaland ដែលមានកុងត្រាជាមួយ Dortmund រហូតដល់ឆ្នាំ២០២៤ កំពុងតែត្រូវបានក្លិបធំៗនៅក្នុងតំបន់អឺរ៉ុបប្រជែងគ្នាតាមទិញរូបគេជាក់ស្តែងដូចជា Man Utd, Chelsea, Manchester City, Barcelona និង Real Madrid ជាដើម។ នៅពេលបច្ចុប្បន្ន Haaland បានវិវត្តន៍ខ្លួនទៅជាកីឡាករវ័យក្មេងដែលល្អជាងគេម្នាក់នៅលើលោកបន្ទាប់ពីរូបគេបង្ហាញការលេងបានល្អមែនទែនដោយក្នុងរដូវកាលនេះគេអាចស៊ុតបញ្ចូលទីបានចំនួន៤៩គ្រាប់ ក្នុងការបង្ហាញខ្លួន ៥១ប្រកួត ឲ្យ Borussia Dortmund។
លោក Scholes បាននិយាយថា៖
ការទិញយក Haaland គឺ អាស្រ័យទៅលើក្លិបណាដែលមានលទ្ធភាពដើម្បីផ្តល់ប្រាក់ឲ្យគាត់។ ខ្ញុំគិតថាមិនមានច្រើននោះទេ។ អ្នកគិតថា Real Madrid ឬ Barcelona អាចទិញបាន តែ មែនទែនទៅប្រហែលជាមិនអាចមានប្រាក់ដើម្បីទិញឡើយ។ Man City ក៏នឹងមិនចំណាយលុយច្រើនបែបនេះដែរ។ ខ្ញុំគិតថាមានតែ Chelsea និង Man Utd ប៉ុណ្ណោះដែលមានលទ្ធភាពទិញ Haaland បាន៕
ប្រភព៖ metro
Bong I.T