បរទេស៖ ជំនួយការអាជ្ញាកណ្តាលរ៉ូម៉ានី លោក Octavian Sovre ស្នើសុំឱ្យខ្សែប្រយុទ្ធ Erling Haaland របស់ក្រុម Borussia Dortmund ចុះហត្ថលេខាលើកាតលឿង និងកាតក្រហមរបស់គាត់ ដើម្បីយកទៅឱ្យក្រុមការងារសប្បុរសធម៌យកទៅរៃអង្គាសប្រាក់ដើម្បីទ្រទ្រង់ដល់អ្នកជំងឺអូទីសឹម។
ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័សកាតដែលបានចុះហត្ថលេខា ត្រូវបានបរិច្ចាគដល់មជ្ឈមណ្ឌលអូទីសឹម SOS និង Simona Zlibut ដែលជាមជ្ឈមណ្ឌលព្យាបាលរៀបចំដោយអាណាព្យាបាលរបស់អ្នកជំងឺអូទីសឹម នឹងត្រូវបានដាក់ដេញថ្លៃនៅចុងខែនេះតាមហ្វេសប៊ុក។
កូនស្រីអាយុ ២១ ឆ្នាំរបស់ Zlibut ជាមនុស្សវង្វេងស្មារតីហើយនាងបាននិយាយថាមជ្ឈមណ្ឌលពឹងផ្អែកលើអំណោយដែលគេបរិច្ចាក។
នាងបាននិយាយថា "ក្មេងស្រីតូចរបស់ខ្ញុំមិនដឹងថាពេលណាត្រូវទៅបន្ទប់ទឹក នាងមិនអាចបរិភោគតែម្នាក់ឯងបានទេ ... ហើយការចំណាយគឺថ្លៃណាស់" ។
លោក Sovre បានចាត់ចែងឱ្យ Haaland ចុះហត្ថលេខាលើកាតនៅចុងបញ្ចប់នៃការប្រកួតវគ្គ ១៦ ក្រុមចុងក្រោយរវាងក្រុម Dortmund និង Manchester City នៅឯ Etihad Staidum កាលពីថ្ងៃអង្គារ។ វាមិនមែនជាពិធីសាររបស់មន្រ្តីរៀបចំការប្រកួតក្នុងការស្នើសុំឱ្យកីឡាករចុះហត្ថលេខាក្រោយការប្រកួតនោះទេ៕