រាជធានីភ្នំពេញ ៖ មុននេះបន្តិច លោកជំទាវ ឱ វណ្ណឌីន រដ្ឋលេខាធិការក្រសួងសុខាភិបាល និងជាប្រធានគណៈកម្មការចំពោះកិច្ចចាក់វ៉ាក់សាំងការពារជំងឺកូវីដ-១៩ នៅទូទាំងប្រទេស បានមានប្រសាសន៍បដិសេធ យ៉ាងដាច់អហំកា ក្រោយពេល បានឃើញ ការចែកចាយតៗគ្នា នូវដំណឹងព័ត៌មាន ក្លែងក្លាយ ដែលមានខ្លឹមសារ លាក់ទុកនិងផ្លាស់ប្តូរ ចំនួនអ្នកឆ្លងជំងឺកូវីដ១៩ ដូចការឃើញក្នុង ការសន្ទនា តាមបណ្តាញតេឡេក្រាម នោះឡើយ។
ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័សទន្ទឹមនឹងនេះ លោកជំទាវ ឱ វណ្ណឌីន បានលើកហេតុផលថា នេះអាចជាសារបន្លំ ព្រោះលោកជំទាវ មិនបានទទួលសារណាមួយ ក្នុងខ្លឹមសារដូច្នេះទេ មិនតែប៉ុណ្ណោះ សូម្បីឈ្មោះលោកជំទាវ ក៏សរសេរមិនត្រូវដែរ ។
គួរបញ្ជាក់ថា លោកជំទាវ បានមានប្រសាសន៍បញ្ជាក់បន្ថែមយ៉ាងដូច្នេះថា ៖
ខ្ញុំសុំបដិសេធចោលថា ខ្ញុំមិនដែលទទួលបាននូវសារខាងលើនេះ និង មិនដែលមានអ្នកណាមកបង្គាប់បញ្ជាខ្ញុំឱ្យដាក់តូលេខប៉ុណ្ណេះប៉ុណ្ណោះ ដូចការបង្ហាញនៅក្នុងសារនេះឡើយ។ សូម្បីតែឈ្មោះខ្ញុំក៏សរសេរខុសដែរ អាចជាសារបន្លំ និងក្លែងក្លាយហើយ សុំមេត្តាកុំចែកចាយបន្តទៀតអីណា ដែល ធ្វើឱ្យមានការច្របូកច្របល់លើបញ្ហាទិន្នន័យនេះ៕
ប្រភព៖ ក្រសួងព័ត៌មាន
បើចង់ដឹងឲ្យកាន់តែច្បាស់ថែមទៀតនោះ តោះទៅមើលរូបភាពខាងក្រោម ៖
Bong I.T