ក្រុមបិសាចក្រហម Manchester United បានបោះជំហានឆ្ពោះទៅរកការប្រកួតវគ្គពាក់កណ្តាលផ្តាច់ព្រ័ត្រ Europa League ជាមួយនឹងជ័យជម្នះក្រៅដីលើ Granada ក្នុងជើងទី ១ នៃវគ្គ ៨ ក្រុមចុងក្រោយរបស់ពួកគេ។កីឡាករ Marcus Rashford បានជួយ ឲ្យក្រុម Man United នាំមុខនៅពេលដែលគាត់បានទទួលបាល់យ៉ាងល្អពីការបញ្ជូនរបស់កីឡាករ Victor Lindelof និងបានស៊ុតបញ្ចប់ទីគ្រាប់ទី១ទៅលើក្រុមGranada ។
ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័សក្នុងការប្រកួតនេះផងដែរកីឡាករ Yangel Herrera ដែលខ្ចីជើងពីក្រុម Manchester City និង អតីតខ្សែប្រយុទ្ធរបស់ក្រុម Tottenham កីឡាករ Roberto Soldado បានព្យាយាមវាយលុកនិងសម្រុកទៅលើក្រុមភ្ញៀវ Manchester United ផងដែរ ប៉ុន្តែមិនមែនជាពេលវេលាសំណាងរបស់ពួកគេ។
បន្ទាប់មកបិសាចក្រហមក៏បានបើកការនាំមុខជាបន្តនៅពេលដែលកីឡាករ Bruno Fernandes បានទាត់បាល់ពិន័យ ១១ ម៉ែត្រ បានយ៉ាងល្អបន្ទាប់ពីកីឡាករ Yan Brice បានបង្ករកំហុសទៅលើខ្សែបម្រើព័រទុយហ្កាល់រូបនេះ។
គួរបញ្ជាក់ផងដែរថា ការប្រកួតជើងទី ២ គឺធ្វើឡើងនៅទឹកដី Old Trafford របស់Manchester United ក្នុងរយៈពេលមួយសប្តាហ៍ខាងមុខ ដែលអ្នកណាឈ្នះសរុបទាំងពីរជើងនោះនឹងបានទៅវគ្គពាក់កណ្តាលផ្តាច់ព្រ័ត្រដែលនឹងត្រូវជួបក្រុម Ajax ឬក្រុម Roma ដោយការប្រកួតជើងទី១គឺក្រុមអ៊ីតាលីបាននាំមុខ ២-១ បន្ទាប់ពីការប្រកួតដែលធ្វើនៅហូឡង់៕