សាហាវម៉្លេះ? កូនៗទាំងបីរបស់ Griezmann កើតថ្ងៃខែដូចគ្នាទាំងបី ខុសតែឆ្នាំ

អឺរ៉ុប៖ ខ្សែប្រយុទ្ធក្លិប Barcelona កីឡាករ Antoine Griezmann បានក្លាយទៅជាឪពុកគេលើកទីបីកាលពីម្សិលមិញបន្ទាប់ពីភរិយារបស់គាត់ គឺអ្នកស្រី Erika Choperena សម្រាលកូនបានដោយជោគជ័យ។

អ្វីដែលគួរឲ្យភ្ញាក់ផ្អើលបំផុតនោះ គឺ កូនៗទាំងបីរបស់ Griezmann សុទ្ធតែកើតនៅក្នុងថ្ងៃ និង ខែដូចគ្នាទាំងអស់ខុសតែឆ្នាំប៉ុណ្ណោះ ពោល គឺ កូនច្បង Mia កើតនៅក្នុងឆ្នាំ២០១៦ កូនទីពីរ Amaro ឆ្នាំ២០១៩ និង​ចុងក្រោយ គឺ Alba ឆ្នាំ២០២១ នៅថ្ងៃទី៨ ខែ មេសា ដូចគ្នា។

គួរបញ្ជាក់ដែរថា Griezmann ពុំបានមកហ្វឹកហាត់ជាមួយមិត្តរួមក្រុមឡើយកាលពីម្សិលមិញដោយសាររូបគាត់ត្រូវមានវត្តមាននៅក្បែរភរិយាជាប់ជានិច្ចក្នុងការសម្រាលកូន ប៉ុន្តែរូបគាត់នឹងត្រឡប់មកហ្វឹកហាត់វិញនៅថ្ងៃនេះដើម្បីត្រៀមក្នុងជំនួបទល់នឹង Real Madrid នៅថ្ងៃអាទិត្យខាងមុខនេះ៕

ប្រភព៖ marca