បរទេស៖ កីឡាករឆ្នើមរបស់ក្រុម Paris Saint German គឺ កីឡាករសញ្ជាតិបារាំង Kylian Mbappe ធ្វើបានយ៉ាងល្អក្នុងការប្រកួតកាលពីយប់មិញក្នុងជំនួបប្រកួតជាមួយក្រុមការពារតំណែងជើងឯក FC Bayern Munich ក្នុងក្របខណ្ឌ័ Champion League ។
ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័សនៅក្នុងជំនួបប្រកួតដ៏ជក់ចិត្តកាលពីយប់មិញនេះ ក្រុម Paris Saint German ដែលដឹកនាំដោយអ្នកចាត់ការទូទៅសញ្ជាតិអាហ្សង់ទីនលោក Mauricio Pochettino បានបើកការនាំមុខទៅលើក្រុមការពារតំណែងជើងឯកតាំងពីនាទីទី៣ តាមរយៈការស៊ុតបញ្ជូលទីរបស់កីឡាករខ្សែប្រយុទ្ធ Kylian Mbappe ក្រោយមកនៅនាទី២៨ កីឡាករ Marquinos ក៏ស៊ុតមួយគ្រាប់ទៀត ធ្វើឱ្យក្រុមមកពីប្រទេសបារាំងមួយនេះនាំមុខក្នុងលទ្ធផល២-០ ។
យ៉ាងណាមិញ ក្រោយមកទៀតនៅនាទី ៣៧ និង នាទី៦០ កីឡាករ Choupo-Moting និង កីឡាករ Thomas Muller បានស៊ុតមួយគ្រាប់ម្នាក់ជួយឱ្យ Bayern Munich តាមបានស្មើក្នុងលទ្ធផល ២-២ ។ មិនយូរប៉ុន្មានកីឡាករ Mbappe បានបញ្ជប់ការស្មើនេះ ដោយបានស៊ុតមួយគ្រាប់ទៀតនៅនាទី៦៨ ធ្វើឱ្យក្រុម PSG យកឈ្នះក្នុងលទ្ធផល ៣-២ ៕
សូមទស្សនាវីដេអូខាងក្រោម៖