អង់គ្លេស៖ ក្លិបតោខៀវ Chelsea ត្រូវបានគេរាយការណ៍ថាកំពុងសម្លឹងចង់បាន ខ្សែប្រយុទ្ធ Ousmane Dembele នៃក្លិបអ្នកមានបុណ្យ Barcelona ស្របពេល Manchester United ក៏កំពុងព្យាយាមបញ្ចុះបញ្ចូលកីឡាករសញ្ជាតិបារាំងរូបនេះឲ្យមករួមក្រុមនៅទឹកដី Old Trafford ផងដែរ។
ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័សDembele អាចនឹងចាកចេញពីទឹកដីកីឡដ្ឋាន Camp Nou នៅរដូវក្ដៅខាងមុខនេះ បើសិនគេមិនព្រមព្រៀងបន្តកុងត្រាថ្មីជាមួយក្លិប Barcelona ខណៈដែលក្លិបកំពុងប្រឈមនឹងវិបត្តិហិរញ្ញវត្ថុធ្ងន់ធ្ងរនិងបានសុំឲ្យកីឡាករក្នុងក្រុមទាំងអស់ព្រមកាត់បន្ថយប្រាក់ឈ្នួល។
ដោយឃើញដូច្នេះ ភាគីរបស់លោកគ្រូបង្វឹក Thomas Tuchel ក៏ចាប់អារម្មណ៍ចង់យកគេមកជំនួស Eden Hazard ដែលចាកចេញពីទឹកដី Stamford Bridge និងផ្ទេរទៅ Real Madrid កាលពីឆ្នាំ២០១៩ ក្រោយកីឡាករដែលក្លិបទិញមកដូចជា Christian Pulisic, Kai Havertz និងHakim Ziyech មិនបានបង្ហាញទម្រង់លេងល្អដូចកាលពួកគេនៅក្លិបចាស់នោះឡើយ។
ចាប់តាំងពីផ្ទេរមក Barcelona ក្នុងឆ្នាំ ២០១៧ ខ្សែប្រយុទ្ធ Dembele ដែលមានវ័យ២៣ឆ្នាំបានចូលលេងមិនសូវបានជាប់លាប់ប៉ុន្មានទេព្រោះគេជាកីឡាករល្បីខាងរងរបួសញឹកញាប់ជាងគេប្រចាំក្រុម ប៉ុន្តែគេលេងបានល្អគួរឲ្យកត់សម្គាល់នៅរដូវកាលនេះដោយឆ្លងកាត់លើសពី២០ប្រកួតដោយមិនរងរបួសសូម្បីបន្តិចហើយទើបតែស៊ុតបញ្ចូលទី១គ្រាប់ជួយឲ្យ Barcelona យកឈ្នះ Real Valladolid ទៀតផង។
កាសែត Mundo Deportivo បានចុះផ្សាយថា Manchester United ប្រឹងប្រែងចែចូវយកកីឡាកររូបនេះតាំងពីរដូវកាលមុនប៉ុន្តែត្រូវ Dembele បដិសេធ តែភាគីរបស់លោកគ្រូបង្វឹក Ole Gunnar Solskjaer នៅតែមិ បោះបង់។
យ៉ាងណាមិញ ទោះ Chelsea និង Man UTD ចង់បានប៉ុណ្ណាក៏មើលទៅ Dembele អាចនឹងបន្តស្នាក់នៅ Barcelona ព្រោះកាលពីពេលថ្មីៗនេះ លោកគ្រូបង្វឹក Ronald Koeman បាននិយាយដោយផ្ទាល់ថាលោកគ្រូចង់ឲ្យ Dembele ស្នាក់នៅជាមួយក្លិបបន្តទៀត៕
ប្រភព៖ caughtoffside