Bruno និយាយពីការដឹកនាំរបស់លោក Solskjaer និង ភាគរយក្នុងការឈ្នះពាន
កីទ្បា
០៨-មេសា-២០២១ ១ល្ងាច · ៣ ឆ្នាំមុន
Bruno Fernandes រីករាយក្នុងការរួមការងារជាមួយលោក Ole Gunnar Solskjaer
អង់គ្លេស៖ ខ្សែបម្រើក្លិប Manchester United កីឡាករ Bruno Fernandes បានបង្ហាញពីអារម្មណ៍រីករាយក្នុងការលេងក្រោមការដឹកនាំរបស់លោក Ole Gunnar Solskjaer ហើយ រូបគេនៅតែជឿជាក់ថាក្រុមនឹងឈ្នះពានរង្វាន់នៅក្នុងរដូវកាលនេះ។
ជាការពិតណាស់ Bruno គឺ ជាតួអង្គដ៏សំខាន់របស់ Man Utd នៅក្នុងរដូវកាលនេះបន្ទាប់ពីរូបគេបានរួមចំណែកស៊ុតបញ្ចូលទីចំនួន១៦គ្រាប់ និង បញ្ជូនបាល់ឲ្យមិត្តរួមក្រុមស៊ុតបញ្ចូលទី១១ដងផងដែរ។ កីឡាករសញ្ជាតិព័រទុយហ្កាល់ខាងលើនៅមានពានរង្វាន់ចំនួនពីរសេសល់ដើម្បីប្រជែងនៅក្នុងរដូវកាលនេះរួមមាន Premier League និង Europa League។