អង់គ្លេស៖ ខ្សែបម្រើ Eric Dier បានបង្ហាញទឹកចិត្តស្រឡាញ់និងភក្តីភាពចំពោះក្លិបខ្នាយមាន់មាស Tottenham Hotspur ថាគេពិតជាចង់ស្នាក់នៅទីនេះបន្តទៀតណាស់ ហើយបើសិនគេស្លាប់នៅថ្ងៃណាមួយ សូមជួយយកធាតុរបស់គេមកបញ្ចុះនៅកីឡដ្ឋាន Tottenham Hotspur ផង។
ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័សDier បានផ្ទេរពីក្លិប Sporting Lisbon មកកាន់ Spurs កាលពីឆ្នាំ២០១៤ និងបានបង្ហាញខ្លួនសឹងតែរាល់ការប្រកួតរបស់ក្លិបមួយនេះដូច្នេះហើយទើបគេបានប្តេជ្ញាចិត្តថានឹងស្នាក់នៅទីនេះក្នុងអាជីពបាល់ទាត់នៅសល់របស់គេ។
កីឡាករសញ្ជាតិអង់គ្លេសរូបនេះបានបង្ហាញខ្លួនសរុប២៧១ប្រកួតឲ្យក្លិប និងថែមទាំងបានចុះហត្ថលេខាបន្តកុងត្រាថ្មីកាលពីរដូវក្ដៅមុននេះចំនួន៤ឆ្នាំបន្ថែមទៀត ប៉ុន្តែភក្តីភាពរបស់គេគឺនៅមានឲ្យ Spurs រហូតដល់អស់ជីវិត។
ថ្លែងប្រាប់ The Evening Standard កីឡាករវ័យ២៧ឆ្នាំរូបនេះបានថ្លែងថា៖
គួររម្លឹកផងដែរថា Eric Dier កើតនៅចក្រភពអង់គ្លេស ប៉ុន្តែនៅអាយុ៧ឆ្នាំ គេបានប្ដូរទៅរស់នៅប្រទេសព័រទុយកាល់ និងបានចូលលេងបាល់នៅក្លិប Sporting Lisbon ដោយក្រុមគ្រួសាររបស់គេងប់ងល់នឹងកីឡា Tennis ណាស់ទើបគេមិននឹកស្មានថាខ្លួនឯងក្លាយជាកីឡាករបាល់ទាត់អាជីពទាល់តែសោះ៕
ប្រភព៖ goal