សង្វេគណាស់! តាមពិតសន្តិសុខ បាញ់ក្មេងទំនើងនៅម្តុំស្ពានផ្សារដីហុយ មានប្រវត្តិសិក្សា និងសាវតាការងារ មិនធម្មតា​

//s9.kh1.co/66/66f104dad8e92e462f21a2810f05399e45f7d755.jpg
សង្គម

 ០៨-មេសា-២០២១ ១០ព្រឹក · ៣ ឆ្នាំមុន

សន្តិសុខដែលបានបានបាញ់ក្មេងទំនើងនៅម្តុំស្ពានផ្សារដីហុយនោះ មានប្រវត្តិសិក្សា និងធ្លាប់ជាអតីតសិស្សសិក្សានៅសាលាភាសាបរទេសឯកទេសភាសាបារាំងថែមទៀតផង

ភ្នំពេញ: ក្រោយផ្ទុះហេតុការណ៍កក្រើកទីក្រុងភ្នំពេញ ក្រោយបុគ្គលិកសន្តិសុខប្រចាំការវេនយប់នៅធនាគារមួយកន្លែង បានលើកកាំភ្លើងបាញ់ទៅលើក្មេងទំនើងម្នាក់ដែលមានកាំបិតនៅជាប់ដៃរួចមក ស្រាប់តែថ្មីៗនេះ មានគណនីហ្វេសប៊ុកមួយ មានឈ្មោះថា An Mean Kosal បានចេញមកពីទម្លាយពីប្រវត្តិរបស់សន្តិសុខធនាគារ ដែលត្រូវជាមិត្តភក្ភិបានប្រាប់យ៉ាងដូច្នេះថា៖

ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័ស
លោកភឿង ភីរះ 
លោកភឿង ភីរះ 

គាត់ឈ្មោះ ភឿង ភីរះ អាយុ៣៦ ឆ្នាំ នៅលីវ ។ គាត់គឺជាមិត្តភក្តិរួមថ្នាក់ជាមួយគ្នា នៅដេប៉ាដឺម៉ង់បារាំង នៃសកលវិទ្យាល័យភូមិន្ទភ្នំពេញ ។ គាត់ជាមនុស្សស្លូតបូតណាស់ សុភាពរាបសារ មិនសូវនិយាយស្តី ស្រគត់ស្រគំគាត់ គាត់គឺជាកូនកំព្រាឱពុក រស់នៅជាមួយម្តាយជាស្ត្រីម៉េម៉ាយ និងមានបងប្រុសជាមនុស្សវិកលចរិក ហើយគាត់ជាបង្គោលគ្រួសារ ។ គាត់បានបញ្ចប់បរិញ្ញាប័ត្រផ្នែកបកប្រែភាសាបារាំង និង បញ្ចប់ថ្នាក់បរិញ្ញាបត្រជាន់ខ្ពស់ ផ្នែកភាសាវិទ្យា នៃសាកលវិទ្យាល័យភូមិន្ទភ្នំពេញ ។ គាត់ធ្លាប់ធ្វើការផ្នែកបកប្រែនៅក្រុមហ៊ុនល្បីមួយ នៅភ្នំពេញ និងបកអោយស្ថានទូតបារាំង និងអង្គការបារាំង ពិសេសពាក់ព័ន្ធការងារទូត ការងារស៊ើបអង្កេត ជាភាសាបារាំង ( il a un mémoire d’éléphant ) ។ ក្រោយមកបានក្លាយទៅជាអ្នកបកប្រែអោយអគ្គស្នងការស្នងការនគរបាលជាតិ ដោយមើលឃើញពីសមត្ថភាពពិតៗ របស់គាត់ ។ ថ្នាក់លើបានបញ្ជូនគាត់ទៅហ្វឹកហ្វឺនក្លាយជានគរបាលដែលមានក្របខណ្ឌពេញសិទ្ធ ។ ដោយសារបញ្ហាកូវិត ទើបធ្វើអោយគាត់មិនសូវសំបូរការងារផ្នែកបកប្រែ ។

ប្រភព ហ្វេសប៊ុក An Mean Kosal

លោកក៏បានបន្តនិយាយបន្ថែមទៀតយ៉ាងដូច្នេះថា៖

ការចូលរួមពីធីបិទវគ្គបណ្តុះបណ្តាលរបស់លោកភឿង ភីរះ 
ការចូលរួមពីធីបិទវគ្គបណ្តុះបណ្តាលរបស់លោកភឿង ភីរះ 

ដោយសារ កត្តាជីវភាព ទើបជម្រុញឲ្យគាត់បានបាត់បង់ការងារជាអ្នកបកប្រែភាសាបារាំង គាត់ក៏មករកប្រាក់ចំណូលបន្ថែមតាមរយះអ្នកថែរក្សាសន្តិសុខនៅធនាគារABA រហូតកើតរឿងអាក្រក់មួយនេះ ចំពោះរូបគាត់កាលពីយប់មិញកន្លងទៅនេះ ។ សង្ឃឹមថា គាត់អាចរួចពីការចោទប្រកាន់របស់ពីព្រះរាជអាជ្ញារផងចុះ 🙏🙏🙏 មនុស្សល្អ ទេវតាតាមថែររក្សាគាត់ ! បើមិនបាញ់ទេ គាត់អាចជួបគ្រោះថ្នាក់ដល់ជីវិត ដោយជនល្មើសដេញចាក់គាត់ ។

ប្រភព ហ្វេសប៊ុក An Mean Kosal

សូមរំលឹកផងដែរថា ក្រោយកើតហេតុការណ៍បាញ់សម្លាប់ក្មេងទំនើងនេះរួចមក​ នៅព្រឹកថ្ងៃទី៨ ខែមេសា ឆ្នាំ២០២១ នេះ បុគ្គលិកសន្តិសុខខាងលើ នឹងត្រូវបញ្ចូនទៅតុលាការដើម្បីសួរនាំជុំវិញករណីខាងលើនេះ ខណ:ដែលមហាជនបានសម្តែងការអាណិតដល់លោកជាខ្លាំង៕

Sun Vannak
V.N

អត្ថបទទាក់ទង

រក្សាសិទ្ធិ Mediaload
Powered by Bong I.T Bong I.T