West Ham ហ៊ានអត់? Man UTD បានកំណត់តម្លៃផ្ទេរចេញសម្រាប់ Lingard ហើយ

អង់គ្លេស៖ West Ham ធ្លាប់បានបញ្ជាក់ថា ក្លិបនឹងព្រមធ្វើគ្រប់យ៉ាងឱ្យតែអាចចុះកុងត្រាយកកីឡាករ Jesse Lingard ពីក្រុមបិសាចក្រហម Manchester United នារដូវក្តៅខាងមុខនេះបាន។

យ៉ាងណាមិញ ខ្សែបម្រើសញ្ជាតិអង់គ្លេសរូបនេះកំពុងព្យាយាមជាខ្លាំងដើម្បីអាចមានឱកាសត្រឡប់ទៅកាន់ទឹកដី Old Trafford វិញ បន្ទាប់ពីរូបគេនឹងផុតកុងត្រាខ្ចីជើងជាមួយក្រុមញរញួយក្សនៅខែមិថុនាខាងមុខនេះ។

ជាការពិតណាស់ Lingard ត្រូវបានគេមើលឃើញថា រូបគេបង្ហាញទម្រង់លេងបានល្អមែនទែននៅកីឡដ្ឋាន London Stadium ប៉ុន្តែជារួមគេមិនមានកុងត្រាអចិន្ត្រៃយ៍ក្នុងការស្នាក់នៅទីនេះរយៈពេលវែងទេ។

Lingard បានក្លាយជាផ្នែកមួយដ៏សំខាន់របស់អ្នកចាត់ការលោក David Moyes ហើយ West Ham ក៏បានត្រៀមខ្លួនរួចរាល់ហើយដែរដើម្បីរក្សាខ្សែបម្រើរូបនេះឱ្យនៅបន្ត។

ថ្លែងប្រាប់គេហំទំព័រ Sky sports ក្លិប West Ham បានចេញសេចក្តីថ្លែងការណ៍ជាសាធារណៈយ៉ាងដូច្នេះថា៖

ដើម្បីឆ្លើយតបចំពោះការចង់បានរបស់ West Ham ខាង Man UTD បានកំណត់តម្លៃផ្ទេរចេញផ្តាច់កុងត្រាសម្រាប់អតីតថ្នាលយុវជនរូបនេះហើយ ដែលមានតម្លៃប្រមាណជា ៣០ លានផោន ឬ ( ៤១ លានដុល្លាអាមេរិក)៕

ប្រភព៖ The Mirror