អង់គ្លេស៖ កាលពីយប់ថ្ងៃអង្គារឈានចូលថ្ងៃពុធកន្លងទៅនេះ ក្លិប Borussia Dortmund បានធ្វើដំណើរមកប្រទេសអង់គ្លេសដើម្បីប្រកួតជាមួយក្រុមកំពូលតារាង Premier League គឺ Manchester City នៅកីឡដ្ឋាន Etihad ដែលជាការប្រកួតក្នុងក្របខណ្ឌ Champions League វគ្គ៨ក្រុមជើងទី១។
ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័សចប់ការប្រកួតគឺក្រុមភ្ញៀវ Dortmund ចាញ់ក្រុមម្ចាស់ផ្ទះ ២ ទល់នឹង ១ ដោយ២គ្រាប់របស់ Man City រកបានដោយខ្សែបម្រើ Kevin De Bruyne នៅនាទីទី ១៩ និង Phil Foden នៅនាទីទី៩០ ចំណែកខាង Dortmund គឺ Marco Reus ជាអ្នកស៊ុតបញ្ចូលទីនៅនាទីទី៨៤។
យ៉ាងណាមិញ ខ្សែបម្រើ Jadon Sancho គិតថាអាជ្ញាកណ្ដាលលោក Ovidiu Hategun បានបង្កកំហុសធំណាស់ក្នុងការប្រកួតនេះក្រោយសម្រេចមិនផ្ដល់បាល់ដែលស៊ុតបញ្ចូលទីដោយ Jude Bellingham ។
កាលណោះនៅនាទីទី៣៧ ខ្សែបម្រើ Jude Bellingham បានរត់ចូលទៅដណ្ដើមបាល់ស្របពេលអ្នកចាំទី Ederson ក៏រត់ចុះមកក្រោមដើម្បីទាត់បាល់ចេញ ជាហេតុធ្វើឲ្យមានការប៉ះទង្គិចគ្នាកើតឡើងដោយអ្នកចាំទី Ederson បានដួលចុះ ខណៈ Bellingham អូសបាល់ស៊ុតបញ្ចូលទី។
ប៉ុន្តែលោកអាជ្ញាកណ្ដាលបានសម្រេចមិនផ្ដល់គ្រាប់បាល់នោះទៅឲ្យ Borussia Dortmund ឡើយដោយនិយាយថា Bellingham បានបង្កកំហុសលើ Ederson មុន ទើបធ្វើឲ្យផ្ទុះភាពមិនពេញចិត្តពីកីឡាករក្នុងក្រុមតែម្ដង។
ក្រោយចប់ការប្រកួត Sancho បានបង្ហោះសារមួយក្នុងគណនីបណ្ដាញសង្គមផ្ទាល់ខ្លួនថា៖
គូររម្លឹកផងដែរថា Borussia Dortmund នឹងត្រូវបើកទ្វារផ្ទះស្វាគមន៍ Manchester City ក្នុងការប្រកួតវគ្គ៨ក្រុមពាន Champions League ជើងទី២នៅថ្ងៃទី ១៥ ខែមេសា ឆ្នាំ២០២១ វេលាម៉ោង២ទាបភ្លឺ៕
សូមទស្សនាវីដេអូនៃការប្រកួតខាងក្រោម៖
ប្រភព៖ metro