ស្នេហាគឺជារឿងមួយដែលមិនអាចបង្ខំបានទេ ព្រោះវាកើតចេញពីអារម្មណ៍របស់មនុស្សម្នាក់ៗ ហើយទទួលស្គាល់​ថាវា​ពិតជា​ពិបាកឃាត់ការស្រឡាញ់ណាស់បើសិនជាចង់ឈប់ស្រឡាញ់អ្នកណាម្នាក់ភ្លាមៗ ប៉ុន្តែមិនមែនមានន័យថា​ធ្វើមិនបាននោះទេ។ រឿងស្នេហានេះផងដែរវាពិតជាពិបាកនឹងស្មុគ្រស្មាញណាស់សម្រាប់បុគ្គលមួយចំនួន ជាពិសេស​គឺបុគ្គលដែលមានចិត្តស្រឡាញ់មនុស្សដែលមានម្ចាស់រួចទៅហើយ ហើយក៏មិនដឹងទៅមុខឬថយក្រោយ។

រូបតំណាង

សម្រាប់បុគ្គលស្នេហ៍អ្នកមានម្ចាស់ ពួកគេខ្លះអាចជាតួកំសត់ស្នេហ៍តែអ្នកខ្លះទៀតគឺជាមនុស្ស​មានបាបជាប់ក្នុង​ចិត្តតែ​ម្ដង ព្រោះសម្រាប់អ្នកដែលជាតួកំសត់ពួកគេគ្មានចេតនាទេនៅក្នុងរឿងនេះ អាចជាលង់ចិត្តស្រឡាញ់ដោយមិនដឹងគេ​មាន​​​ម្ចាស់លុះពេលធ្លាក់ក្នុងអន្លង់ស្នេហ៍ហើយទើបបានដឹងការពិត ហើយក៏មិនគិតនឹងចង់បានយកមក​គ្រប់គ្រងនោះ​ទេ ផ្ទុយទៅវិញពួកគេព្យាយាមដកខ្លួនចេញហើយធ្វើយ៉ាងណាដើម្បីឳ្យមនុស្សខ្លួនពេញចិត្តមានក្ដីសុខ។

ដោយឡែកសម្រាប់បុគ្គលមានបាបវិញ ពួកគេមិនមានការគិតនោះទេថាអ្នកណាមានម្ចាស់ ឬអត់ ទោះមានមែនក៏គេ​នៅតែ​បណ្ដោយចិត្តរបស់ខ្លួន ទាក់ទង ឬស្និទ្ធស្នាលដែរ ទោះត្រូវធ្វើបាបចិត្តអ្នកណាក៏គេមិនសូវខ្វល់ដែរ ពួកគេគិតតែ​ពី​ខ្លួន​ឯង​តែប៉ុណ្ណោះ ហើយក៏សម្ងំសុខក្នុងស្នេហាមួយដែលមនុស្សគ្រប់គ្នាមិនឳ្យតម្លៃ រស់ក្នុងភាពអាត្មានិយម នឹងគិត​ខ្លួន​ឯង​ជាមនុស្សល្អ ប៉ុន្តែស្ថិតលើគំនរទុក្ខរបស់អ្នកដទៃ។

រូបតំណាង

ទោះបីជាយ៉ាងណាក៏ដោយសម្រាប់បុគ្គលបែបនេះ អ្នកគួរមានការពិចារណាផង ព្រោះការបន្តទំនាក់ទំនងមួយ​ដែល​បំផ្លាញទឹកចិត្ត សុខលើគំនរទុក្ខរបស់គេ វាមិនមែនជារឿងត្រឹមត្រូវ ឬមានមោទនភាពឡើយ។ តែផ្ទុយទៅវិញវាបានធ្វើឳ្យអ្នកលង់ខ្លួនក្នុងភាពអាត្មានិយម ហើយនាំខ្លួនឯងទៅរកបាបកម្មកាន់តែធ្ងន់ទៅ ដែលថ្ងៃ​ណា​មួយ​អ្នកអាចនឹងជួបវាឬជួនកាលវាធ្លាក់ទៅលើមនុស្សដែលអ្នកស្រឡាញ់បំផុតនៅថ្ងៃអនាគត។ អ្នកអាចកាត់ចិត្តសន្សឹមៗ ដោយគ្រាន់តែផ្ដាច់ទំនាក់ទំនងជាមួយគេ មិនជួបមុខ មិននិយាយរក ឃ្លាតឆ្ងាយពីគេ ហើយ​ស្វែងរកអ្នកសន្ទនាផ្សេងទៀតដែលអ្នកស្គាល់ស្និទ្ធស្នាល ហើយគិតពីតម្លៃខ្លួនឯង និងគ្រួសារឳ្យបានច្រើន៕ 

បើមានព័ត៌មានបន្ថែម ឬ បកស្រាយសូមទាក់ទង (1) លេខទូរស័ព្ទ 098282890 (៨-១១ព្រឹក & ១-៥ល្ងាច) (2) អ៊ីម៉ែល [email protected] (3) LINE, VIBER: 098282890 (4) តាមរយៈទំព័រហ្វេសប៊ុកខ្មែរឡូត https://www.facebook.com/khmerload

ចូលចិត្តផ្នែក យល់ដឹង និងចង់ធ្វើការជាមួយខ្មែរឡូតក្នុងផ្នែកនេះ សូមផ្ញើ CV មក [email protected]

ចង់ក្លាយជាអ្នកសរសេរក្រៅម៉ោងមានប្រាក់ចំណូលសូមចុះឈ្មោះទីនេះ