អាល្លឺម៉ង់៖ ចំណាប់អារម្មណ៍របស់ Barcelona លើតារាឆ្នើមរបស់ Borussia Dortmund គឺ Erling Haaland អាចទទួលបានទឹកប្រាក់សរុបជាង ២០០ លានផោននៅរដូវក្តៅនេះ។
ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័សភ្នាក់ងាររបស់ Haaland គឺលោក Mino Raiola និងឪពុករបស់គាត់ឈ្មោះ Alf Inge ទាំងពីរនាក់បានធ្វើដំណើរទៅប្រទេសអេស្ប៉ាញកាលពីសប្តាហ៍មុន ដែលថាមានពាក្យចចាមអារ៉ាមអំពីការជជែកជាមួយក្រុមយក្សកាតាឡាន់ហើយក្រោយមកជាមួយគូប្រជែងសំខាន់បំផុតគឺ Real Madrid ។
ទោះបីជាយ៉ាងណាក៏ដោយ La Blaugrana ត្រូវបានគេនិយាយថា នឹងដឹកនាំការប្រជែងដើម្បីចុះហត្ថលេខាជាមួយគាត់ ទោះបីជាមានការទទូចរបស់ Dortmund ថានឹងមិនទទួលយកការផ្តល់ជូនណាមួយដែលមានតម្លៃក្រោម ១៥០ លានផោនសម្រាប់កីឡាករអន្តរជាតិន័រវេសនោះទេជាមួយនឹងតម្លៃស្នើសុំបច្ចុប្បន្នសម្រាប់រូបគេក្នុងតម្លៃ ១៨០ លានផោន។
ប៉ុន្តែបើយោងតាមរបាយការណ៍ពី RAC 1 ដូចដែលបានរាយការណ៍តាមរយៈ Marca តម្លៃនោះអាចនឹងកើនឡើងថែមទៀតដោយផ្អែកលើថ្លៃឈ្នួលភ្នាក់ងារ និងការបន្ថែមផ្សេងទៀត។
គួរឱ្យដឹងដែរថា ទាំង Raiola និង Haaland Snr អាចនឹងទាមទារថ្លៃរត់ការដល់ទៅ ២០ លានផោន ក្នុងម្នាក់ៗ ប្រសិនបើមានកិច្ចព្រមព្រៀងជាមួយបុរសវ័យ ២០ ឆ្នាំរូបនេះ ប្រព្រឹត្តទៅបានសម្រេច ហើយក៏មានពាក្យចចាមអារ៉ាមថាទាមទារការបញ្ជាក់ពីការបន្តស្នាក់នៅរបស់ Lionel Messi នៅឯទឹកដី Camp Nou មុនពេលចុះហត្ថលេខា៕