កូវីដផង ចំណូចក៏ធ្លាក់ចុះ ចំណាយក៏ច្រើន ហើយត្រូវសំងំតែនៅក្នុងផ្ទះក្នុងការលៈទេសៈនេះ នរណាក៏ស្តេ្រសដែរ តែធ្វើយ៉ាងណាអាចកាត់បន្ថយភាពតប់ប្រម៉ល់នោះបានទៅ?
ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័សខាងក្រោមនេះជាដំណោះស្រាយ៖
១. លំហាត់ប្រាណឲ្យបានញឹកញាប់
ថ្វីបើមិនអាចចេញទៅហាត់នៅខាងក្រៅបាន តែអ្នកគួរតែគិតគូរពីសុខភាពខ្លះ បើទោះបីជាចេញទៅក្រៅមិនបានមែនពិត តែហាត់ក្នុងបន្ទប់ ឬនៅសួនច្បាររបស់យើងក៏បានដែរ។ ក្រៅពីជួយកាត់បន្ថយភាពតានតឹងហើយ វាក៏ធ្វើឲ្យរាងកាយរបស់អ្នកល្អប្រសើរជាងមុនទៀតផង។
២. ស្ដាប់តន្រ្តីដែលធ្វើឲ្យអ្នករីករាយ
តាមពិតទៅតន្រ្តីក៏មានអត្ថប្រយោជន៍ល្អណាស់ដែលចំពោះអ្នកដែលមានបញ្ហាស្ត្រេស ព្រោះថាការស្ដាប់តន្រ្តីវាបានធ្វើឲ្យអារម្មណ៍អ្នកស្រស់ស្រាយជាងមុន។ តែសុំហាមរឿងមួយណា សូមកុំស្ដាប់បទណាដែលធ្វើឲ្យអ្នកសោកសៅឲ្យសោះ ព្រោះវាអាចធ្វើឲ្យអ្នកគិតអ្វីដែលខ្លីៗហើយរឹតតែធុញថប់ជាងមុនទៅទៀត។
៣. សើច
អ្នកអាចស្វែងរកវីដេអូបែបកំប្លែងៗ សំណើចខ្លីៗនៅលើអ៊ីនធើណែតយកមកមើល ដើម្បីឲ្យខ្លួនឯងបានសោយសុខខ្លះ តាមការស្រាវជ្រាវត្រូវបានគេដឹងថាការសើចផ្តល់នូវភាពធូរស្បើយក្នុងស្ថានភាពស្ត្រេសសូម្បីតែក្នុងកាលៈទេសៈធ្ងន់ធ្ងរបំផុតក៏ដោយ។
៤. គូររូប
បង្ហាត់ខួរក្បាលលោងអ្នកឲ្យមកផ្ដោតលើការគូររូបវិញវាជារឿងល្អ ព្រោះបើអ្នកផ្ចង់អារម្មណ៍លើការគូររូប នោះពិតជារឿងល្អបំផុតព្រោះខួរក្បាលលោកអ្នកគ្មានពេលគិតរឿងអត់ប្រយោជន៍ទៀតនោះទេ។
កុំព្យាយាមលាក់រឿងទាំងអស់នៅក្នុងចិត្ត បើអាចគួរនិយាយប្រាប់មនុស្សដែលអ្នកទុកចិត្តបំផុតឲ្យគេជួយស្ដាប់ ហើយពេលនិយាយចេញទៅអ្នកក៏អាចធូរស្បើយខ្លះដែរ កុំព្យាយាមដាក់សម្ពាធលើខ្លួនឯងពេក ក្នុងខណៈនេះអ្នកណាក៏ជួបរឿងលំបាកដែរ គ្រាន់តែថាតិចឬច្រើនប៉ុណ្ណោះ។ ដើរមួយជំហានគិតមួយជំហានអ្វីៗហ្នឹងល្អប្រើសើរឡើងវិញនៅថ្ងៃខាងមុខ៕