អង់គ្លេស៖ រដ្ឋាភិបាលបាននិយាយកាលពីថ្ងៃព្រហស្បតិ៍ មួយថ្ងៃបន្ទាប់ពីការចេញផ្សាយរបាយការណ៍ស្តីពីភាពខុសគ្នានៃពូជសាសន៍ថា ចក្រភពអង់គ្លេសមិនមានបញ្ហាជាប្រព័ន្ធជាមួយនឹងការរើសអើងជាតិសាសន៍ឡើយ។
ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័សរដ្ឋាភិបាលបានបដិសេធរាល់ការផ្សារភ្ជាប់គ្នារវាងការចាកចេញរបស់ Samuel Kasumu និងរបាយការណ៍ដែលត្រូវបានគេរិះគន់យ៉ាងខ្លាំងដែលសកម្មជន និងអ្នកសិក្សាបានចោទប្រកាន់ពីការមិនអើពើនឹងបទពិសោធន៍នៃការរើសអើងពណ៍សម្បុរទៅលើជនជាតិអង់គ្លេស។
ការិយាល័យនាយករដ្ឋមន្រ្តីបាននិយាយថា លោក Kasumu នឹងចាកចេញពីតួនាទីជាទីប្រឹក្សាពិសេសសម្រាប់សង្គមស៊ីវិល និងសហគមន៍នៅខែឧសភា ដូចដែលបានគ្រោងទុករបស់លោកអស់រយៈពេលជាច្រើនខែ។
ការលាលែងនេះ ត្រូវបានបដិសេធទាក់ទងទៅនឹងការបោះពុម្ភផ្សាយរបាយការណ៍កាលពីថ្ងៃពុធ ដោយគណៈកម្មាធិការទទួលបន្ទុកខាងពូជសាសន៍ និងជនជាតិភាគតិចដែលបានសន្និដ្ឋានថាចក្រភពអង់គ្លេសមិនមែនជាប្រទេសប្រកាន់ពូជសាសន៍ទេ។
ប៉ុន្តែលោក Simon Woolley ដែលជាអតីតទីប្រឹក្សាសមភាពរដ្ឋាភិបាល និងជាសមាជិកសភាអង់គ្លេសបាននិយាយថា ការចាកចេញរបស់ Kasumu ត្រូវបានផ្សារភ្ជាប់ទៅនឹងរបាយការណ៍ដែលមានចរិត “ស្អប់ខ្ពើម” និង “បំបែកបំបាក់”។
Kasumu បានពិចារណាឈប់ពីការងារនៅខែកុម្ភៈ។ គាត់បានសរសេរលិខិតលាលែងមួយដែលទទួលបានដោយ BBC ដែលបានចោទប្រកាន់គណបក្សអភិរក្សនិយមរបស់ Johnson ថាបានបន្តនយោបាយដែលមានភាពបែកបាក់។ គាត់ត្រូវបានគេបញ្ចុះបញ្ចូលឱ្យនៅជាបណ្តោះអាសន្ន ដើម្បីធ្វើការលើយុទ្ធនាការលើកទឹកចិត្តជនជាតិអង់គ្លេសឱ្យចាក់វ៉ាក់សាំងប្រឆាំងនឹងមេរោគនេះ។
របាយការណ៍នេះបានលើកឡើងថា សមិទ្ធិផលផ្នែកវិស័យអប់រំ និងសេដ្ឋកិច្ច បានជួយបំបាត់នូវគំលាតរវាងក្រុមជនជាតិភាគតិច ដែលរបាយការណ៍នេះក៏បាននិយាយទៀតថា ភាពខុសគ្នានៃពូជសាសន៍កំពុងក្លាយជារឿង "មិនសូវសំខាន់" ដែលបង្កើតឱ្យមានភាពបែកបាក់គ្នាដែលត្រូវបានជម្រុញដោយវណ្ណៈ និងគ្រួសារ។
ការឆ្លងរាលដាលនៃជំងឺកូរ៉ូណាបានបង្ហាញឱ្យឃើញពីបញ្ហាពូជសាសន៍ ដោយជនជាតិអង់គ្លេសមកពីអាហ្វ្រិកខាងត្បូង ជនជាតិស្បែកខ្មៅដែលមកពីតំបន់ការ៉ាអ៊ីតដែលបានស្លាប់ដោយជំងឺកូវីត-១៩ ក្នុងអត្រាច្រើនជាងទ្វេដងនៃជនរួមជាតិស្បែកសរបស់ពួកគេ៕
Bong I.T