មនុស្សស្រឡាញ់គ្នាប្រាកដហើយថាចង់បានស្នេហាដែលស្មោះត្រង់មួយនឹងមួយ កាន់ដៃគ្នាចូលរោងការ សាងគ្រួសារ​តទៅ​ថ្ងៃមុខ រួមរស់ជាមួយគ្នាដោយមានសុភមង្គល។ ប៉ុន្តែអ្វីៗវាមិនមែនសុទ្ធតែដូចចិត្តប៉ងប្រាថានោះទេ ជួនកាល​គូខ្លះ​​ក៏បានដូចបំណង ហើយក៏មានគូរខ្លះបែកបាក់ ព្រាត់ប្រាសដូចជាស្លឹកឈើជ្រុះយ៉ាងដូច្នោះដែរ។ ក្នុងចំណោម​មូលហេតុធំៗនៃការបែកបាក់គ្នានោះគឺច្បាស់ណាស់ ពិតជាមាននូវមូលហេតុមួយសំខាន់ដែលពេញនិយមជាងគេ គឺ​មក​ពីការក្បត់ចិត្តលួចមានថ្មីហ្នឹង​ឯង។​

រូបតំណាង
ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័ស

ជាមួយ​មូលហេតុ​ដ៏ចម្បងមួយនេះ មានបុរសនារីមិនតិចនាក់នោះទេ ដែលជាជនរងគ្រោះស្នេហា ត្រូវមនុស្ស​ជាទី​ស្រឡាញ់​ក្បត់​សេចក្ដីទុកចិត្ត​ លួចមានចិត្តឱ្យអ្នកផ្សេងហើយតាំងបន្ទោសថា​ មកពីអ្នកមិនល្អដូចជាអ្នកថ្មីគេឡើយ ចុងក្រោយគឺត្រូវគេបោះបង់ ឬជួនកាលដឹងខ្លួនមុនសុំបែកឳ្យហើយ។

រឿងរ៉ាវសាវ៉ារបស់មនុស្សមួយចំនួនមិនមែនសុទ្ធតែជាទម្លាប់ ឬក៏មានបំណងនោះទេ ជួនកាលវាអាចមក​ពីកត្តាជា​ច្រើន​​ដែលនៅជុំវិញខ្លួនរបស់គេ អាចមកពីគេជាមនុស្សចិត្តទន់ ត្រចៀកស្រាល គិតអ្វីមិនបានវែងឆ្ងាយ ទើបបណ្ដែត​បណ្ដោយ​ចិត្ត​ទៅតាមការលួងលោម សម្ដីផ្អែមរបស់ជនទីបី ភ្លេចអំពើល្អដែលអ្នកចាស់បានសាងចំពោះគេ​ស្ទើរ​អស់​រលីង ទោរទន់ទៅតាមអារម្មណ៍មួយពេល គិតអ្នកថ្មីល្អគ្រប់យ៉ាង។

បើទោះបីជាយ៉ាងណាក៏ដោយ សម្រាប់មនុស្សស្មោះស្នេហ៍កុំពិបាកចិត្តស្អិតទ្រូងខ្លាំងពេក អ្នកគួរតែតាំងជំហរឳ្យរឹងមាំ ធ្វើនូវ​អំពើល្អឳ្យកាន់តែច្រើន អភិវឌ្ឍន៍ខ្លួនរបស់អ្នកឳ្យកាន់តែប្រសើរ បង្ហាញឳ្យគេឃើញថា អ្នកជាមនុស្សម្នាក់​ដែល​រឹងមាំ​ ស្វាហាប់ និងមានភក្ដីភាពពិតប្រាកដ ដោយការផ្ដើមពីការចេះស្រឡាញ់ខ្លួនរបស់អ្នក ច្នៃខ្លួនឯងឳ្យមានតម្លៃ និង​​រក្សានូវអំពើល្អរបស់ខ្លួន​ជាប់​ជានិច្ច៕

រូបតំណាង

បើមានព័ត៌មានបន្ថែម ឬ បកស្រាយសូមទាក់ទង (1) លេខទូរស័ព្ទ 098282890 (៨-១១ព្រឹក & ១-៥ល្ងាច) (2) អ៊ីម៉ែល [email protected] (3) LINE, VIBER: 098282890 (4) តាមរយៈទំព័រហ្វេសប៊ុកខ្មែរឡូត https://www.facebook.com/khmerload

ចូលចិត្តផ្នែក យល់ដឹង និងចង់ធ្វើការជាមួយខ្មែរឡូតក្នុងផ្នែកនេះ សូមផ្ញើ CV មក [email protected]