អាមេរិក៖ កាលពីថ្ងៃពុធកន្លងទៅបេសកជនដែលទទួលបន្ទុកកិច្ចការប្រទេសភូមារបស់អង្គការសហប្រជាជាតិ បានព្រមានពីហានិភ័យនៃសង្រ្គាមស៊ីវិល និងអំពាវនាមឱ្យក្រុមប្រឹក្សាសន្តិសុខធ្វើសកម្មភាពជាបន្ទាន់ ដើម្បីដោះស្រាយវិបត្តិនៅក្នុងប្រទេសអាស៊ីអាគេ្នយ៍មួយនេះ។
ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័ស
គិតត្រឹមយប់ថ្ងៃពុធសប្តាហ៍នេះ អ្នកតវ៉ា អ្នកឈរមើល និងកុមារប្រមាណ ៥៣៦នាក់ត្រូវបានសម្លាប់ចាប់តាំងពីរដ្ឋប្រហារថ្ងៃទី១ ខែកុម្ភៈមក។
បេសកជនខាងលើបាននិយាយថា «ខ្ញុំអំពាវនាវឱ្យក្រុមប្រឹក្សាសន្តិសុខអង្គការសហប្រជាជាតិពិចារណាលើជម្រើសទាំងឡាយដែលអាចធ្វើទៅបាន ដើម្បីធ្វើសកម្មការពារ កុំឱ្យគ្រោះមហន្តរាយទ្រង់ទ្រាយធំកើតឡើង។ ទ្វារចរចានៅតែបើកចំហចំពោះយោធាភូមា ប៉ុន្តែប្រសិនបើគ្រប់គ្នាត្រូវរង់ចាំរហូតទាល់តែយោធាត្រៀមខ្លួនរួចរាល់ សម្រាប់កិច្ចចរចា នោះស្ថានការណ៍បច្ចុប្បន្ននឹងកាន់តែអាក្រក់ឡើង ឬអាចនឹងក្លាយជាសង្រ្គាមស៊ីវិលបង្ហូរឈាមក្នុងពេលឆាប់ៗក៏ថាបាន»៕
Bong I.T