គ្រូបង្វឹកក្រុមជម្រើសជាតិមួយនេះ ថាឃើញកូនក្រុមលេងបែបនេះ ចង់គាំងបេះដូង (មានវីដេអូ)

ចចជី៖ កាលពីយប់ថ្ងៃអាទិត្យកន្លងទៅនេះ ក្រុមជម្រើសជាតិអេស្ប៉ាញ ដឹកនាំដោយលោកគ្រូបង្វឹក Luis Enrique បានធ្វើដំណើរទៅប្រកួតជាមួយ ក្រុមជម្រើសជាតិ ចចជី នៅឯកីឡដ្ឋាន Boris Paichadze Dinamo Arena ដែលជាការប្រកួតវគ្គជម្រុះបាល់ទាត់ពិភពលោក ២០២២។

ក្រោយចប់ការប្រកួត អេស្ប៉ាញ បានយកឈ្នះ ចចជី ២ ទល់នឹង ១ ទាំងលំបាកលំបិន ដោយ២គ្រាប់នេះរកបានដោយ Ferran Torres នៅនាទីទី៥៦ និង Dani Olmo នៅនាទីទី ៩០+២ ខណៈដែលខាងក្រុមម្ចាស់ផ្ទះរកបានដោយ Khvicha Kvraratskhelia នៅនាទីទី៤៣ ផងដែរ។

បើទោះជាក្រុមស្រវាយកជ័យជម្នះយ៉ាងណាក៏លោកគ្រូបង្វឹក Enrique នៅតែមិនអស់ចិត្តដោយលោកបាននិយាយទាំងតឹងចិត្តថាលោកគ្រូសឹងតែគាំងបេះដូងម្ដងៗពេកឃើញក្រុមខ្លួនឯងលេងបែបនេះ។

ក្រុមជម្រើសជាតិអេស្ប៉ាញ បានលេងត្រឹមស្មើជាមួយ ក្រិក នៅថ្ងៃបើកវគ្គប្រកួតជម្រុះលើកដំបូងដោយកីឡាករក្នុងក្រុមមើលទៅដូចជាបាត់បង់ទំនុកចិត្ត ហើយមកទល់ពេលនេះលោកគ្រូគិតថា ក្រុមគួរតែធ្វើបានល្អជាងនេះ។

ថ្លែងប្រាប់ TVE អតីតគ្រូបង្វឹករបស់ Barcelona រូបនេះបាននិយាយថា៖

គួររម្លឹកផងដែរថា ក្រុមជម្រើសជាតិ អេស្ប៉ាញ មិនធ្លាប់ចាញ់ការប្រកួតវគ្គជម្រុះបាល់ទាត់ពិភពលោកអស់រយៈពេល២៨ឆ្នាំមកហើយប៉ុន្តែ ឆ្នាំនេះ ក្រុមមួយនេះឈ្នះការប្រកួត១គត់ក្នុងចំណោមការប្រកួតទាំង៥៕

សូមទស្សនាការប្រកួតខាងក្រោម៖

ប្រភព៖ goal