បរទេស៖ ក្រុម FC Barcelona ពិតជាឡើងជើងខ្លាំងមែនទែន ដោយបានយកឈ្នះលើក្រុម Real Sociedad ក្នុងលទ្ធផល ៦-១ ឯណោះសម្រាប់ការប្រកួតពានរង្វាន់ La Liga នៅយប់មិញនេះ។
ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័សក្នុងការប្រកួតនៅយប់មិញនេះ ក្រុមអ្នកមានបុណ្យ លេងសម្រុកយកតែមែនទែន។ នៅនាទី៣៧ Griezmann រកបាន១គ្រាប់នាំមុខឱ្យ Barcelona មុនពេល Dest ថែមគ្រាប់ទី២បាន ក្រោយទទួលបានបាល់ពី Messi ។ ឈានចូលដល់តង់ទី២ Dest ដដែលធ្វើបាន១គ្រាប់ទៀតនាទី៥៣ មុនពេល Messi ធ្វើបានគ្រាប់ទី៤នៅនាទី៥៦។ ឈានដល់នាទី៧១ Dembele ក៏រកគ្រាប់បាល់ទី៥បាន មុនពេល Messi ថែមគ្រាប់ទី៦បានសម្រេច។
គួរឱ្យដឹងដែរថា ជ័យជម្នះ ៦-១ យក៣ពិន្ទុបន្ថែមទៀតនេះ បានធ្វើឱ្យក្រុមរបស់លោក Ronald Koeman ហក់ឡើងទៅលេខ២ក្នុងតារាង La Liga ដោយចាញ់ក្រុមលេខ១ Atletico Madrid ចំនួន៤ពិន្ទុ៕