ខេត្តសៀមរាប៖ ក្រោយពីមានការរិះគន់ពីមហាជនជាច្រើន ចំពោះការការជេរប្រមាថព្រះកិត្តិយស ព្រះមហាវិមលធម្ម ពិន សែម ដែលធ្វើឱ្យប៉ះពាល់យ៉ាងធ្ងន់ធ្ងរលើវិស័យព្រះពុទ្ធសាសនា ដែលជាសាសនារដ្ឋមិនអាចបុគ្គលណាបំពានបាន ជាមួយនឹងការដកអាជ្ញាប័ណ្ណពីសំណាក់ក្រសួងព័ត៍មានដែលលោក ផែង វណ្ណៈ បានប្រព្រឹត្តខុសទៅនឹងកិច្ចសន្យាដែលបានលោកបានដាក់តម្កល់ទុកនៅក្រសួងព័ត៍មាន ដែលដើមចមនៃរឿងនេះ ដោយសារការលេចធ្លាយនូវវីដេអូនៃការដាក់ពិន័យចំពោះព្រះសង្ឃនៅក្នុងវត្តរាជបូណ៍ នៃទឹកដីខេត្តសៀមរាប។
ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័សជាមួយគ្នានោះដែរ ក្រោយពីមានសាធារណមតិរិះគន់ច្រើនពេក លោក ផែង វណ្ណៈ ក៏បានចូលខ្លួនទៅសុំខមាទោសចំពោះព្រះភក្រ្តរបស់ ព្រះមហាវិមលធម្ម ពិន សែម សិរីសុវណ្ណោ ដោយ បានបញ្ចេញរូបភាព និង សារដែលមានខ្លឹមសារថា៖
នៅព្រឹកថ្ងៃទី ២០ ខែ មិនា ឆ្នាំ ២០២១ ខ្ញុំករុណាបានមកក្រាបថ្វាយបង្គំព្រះមហាវិមលធម្ម ពិន សែម ព្រះគ្រូចៅអធិការវត្តរាជបូណ៌ និង ព្រះមេគុណខេត្ត អាភាករោ ជុំ គីមឡេង នៅក្នុងវត្តរាជបូណ៌ ទីរួមខេត្ត សៀមរាប ដេីម្បីទទួលស្គាល់កំហុសដែលបាននិយាយប្រមាថប៉ះពាល់ធ្ងន់ធ្ងរដល់ព្រះកិត្តិយស ព្រះមហាវិមលធម្ម ពិន សែម និង ព្រះមេគុណខេត្តក៏ដូចជាព្រះសង្ឃនៅវត្តរាជបូណ៌ និងបានសុំខមាលទោស ការអត់ឱនអធ្យាស្រ័យពី ព្រះមហាវិមលធម្ម ពិន សែម ក៏ដូចជាសុំខមាលទោសព្រះសង្ឃ ទូទាំងប្រទេស និង បានសុំការព្រះពុទ្ធឱវាទទូន្មានប្រៀបប្រដៅពី ព្រះមហាវិមលធម្ម ពិន សែម ព្រះគ្រូចៅអធិការវត្តរាជបូណ៌ ។ ជាការឆ្លេីយតប ព្រះមហាវិមលធម្ម ពិន សែម ព្រះគ្រូចៅអធិការវត្តរាជបូណ៌ បានទទួលយកនូវការសុំទោសនិងបានអត់ឱនអធ្យាស្រ័យដល់ខ្ញុំករុណា ព្រមទាំងបានផ្ដល់ពុទ្ធឱវាទល្អៗជាច្រេីនដល់ខ្ញុំករុណា ដេីម្បីធ្វេីជាប្រទីបបំភ្លឺផ្លូវអោយខ្ញុំករុណាមានឱកាសបំរើប្រជាពលរដ្ឋ និង ព្រះពុទ្ធសាសនាតទៅមុខទៀត ។ ក្នុងឱកាសប្រកបដោយក្ដីរំភេីបរីករាយខ្ញុំករុណា បានប្រគេនបច្ច័យចំនួន ២ លានរៀល ជូនព្រះមហាវិមលធម្ម ពិន សែម និង ២ លានរៀល ប្រគេនជូនព្រះមេគុណខេត្ត អាភាករោ ជុំ គីមឡេង និង បច្ច័យ ២ លានរៀល សំរាប់កសាងវត្ត ព្រមទាំងប្រគេនគ្រឿងឧបភោគ បរិភោគ របស់ សប្បុរសជន រួមមាន អង្ករ ១តោន មី ១០០ កេស ត្រីខ ១០០០ កំប៉ុង ទឹកសុទ្ធគូលែន ២០ កេស ទឹកក្រូច ១០ កេស ម៉ាស់ ១០០០០ ម៉ាស់ អាល់កុល ៥ កាដុង ជូនដល់វត្តរាជបូណ៌ផងដែរ ។
ដើម្បីជ្រាបកាន់តែច្បាស់ សូមទស្សនារូបភាពខាងក្រោម៖
Bong I.T