បរទេស៖ Roberto Carlos បាននិយាយថាការជួបគ្នាលើកនេះ ខ្សែប្រយុទ្ធ Mohamed Salah នឹងមិនហ៊ានទៅជិតខ្សែការពារ Sergio Ramos ទៀតនោះទេ។
ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័សការចាប់ឆ្នោតវគ្គ៨ក្រុមចុងក្រោយពានរង្វាន់ UEFA Champions League ចេញមកហើយ គឺក្រុម Real Madrid នឹងត្រូវប៉ះក្រុម Liverpool ។ ក្រុមទាំងពីរនេះប៉ះគ្នា ត្រូវបានគេនឹកឃើញកាលពីវគ្គផ្ដាច់ព្រ័ត្រឆ្នាំ២០១៨កន្លងទៅ ដែលគ្រានោះ Salah រងរបួសដៃមិនអាចបន្ដការប្រកួតបាន ក្រោយពីមានការប្រជែងយកបាល់ពីសំណាក់ខ្សែការពារ Ramos។ ដែលកាលនោះ Real Madrid យកឈ្នះក្នុងលទ្ធផល ៣-១។
យ៉ាងណាមិញ ប៉ះគ្នាម្ដងទៀតនៅលើនេះ លោក Roberto Carlos អតីតខ្សែការពារឆ្នើមម្នាក់ដែរនោះ បាននិយាយថា៖ “Salah នឹងលែងទៅជិត Ramos ទៀតហើយ។ វាជាគ្រោះថ្នាក់មួយដែលគ្រប់គ្នាបាននិយាយច្រើនណាស់នៅគ្រានោះ”។
បញ្ជាក់ថាកាលឆ្នាំ២០១៨នោះ Salah មានរបួសដៃ ហើយខកខានការប្រកួតសំខាន់ៗច្រើនណាស់ ជាពិសេសមិនអាចជួយក្រុមជម្រើសជាតិអេហ្សីបលេងនៅ World Cup បាន៕