អាមេរិក៖ ក្រុមហ៊ុនចិនដែលកំពុងស្ថិតក្រោមការហាមឃាត់ការវិនិយោគដែលត្រូវបានដាក់ដោយលោកប្រធានាធិបតីដូណាល់ត្រាំ កំពុងពិចារណាប្តឹងរដ្ឋាភិបាលសហរដ្ឋអាមេរិក បន្ទាប់ពីចៅក្រមសហព័ន្ធបានផ្អាកការដាក់បញ្ជីខ្មៅសម្រាប់ក្រុមហ៊ុនផលិតស្មាតហ្វូន Xiaomi ដែលមានមូលដ្ឋាននៅទីក្រុងប៉េកាំងកាលពីថ្ងៃសុក្រ។
ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័សមេធាវីដែលដឹងអំពីបញ្ហានេះបាននិយាយថា ក្រុមហ៊ុនចិនដែលត្រូវបានហាមឃាត់មួយចំនួនកំពុងពិភាក្សាជាមួយក្រុមហ៊ុនច្បាប់រួមមាន Steptoe & Johnson និង Hogan Lovells ដែលត្រូវបានធ្វើឡើងដោយដីការបស់ចៅក្រមដែលផ្អាកការដាក់បញ្ចូលក្រុមហ៊ុន Xiaomi ចូលក្នុងបញ្ជីក្រុមហ៊ុនយោធាកុម្មុយនិស្តចិនដែលត្រូវដាក់នៅក្រោមការហាមឃាត់ការវិនិយោគ។
គួរបញ្ជាក់ផងដែរថា រដ្ឋបាលលោក Trump ដែលដាក់ក្រុមហ៊ុន Xiaomi Corp ទៅក្នុងបញ្ជីខ្មៅ បានធ្វើឱ្យចំណែកទីផ្សាររបស់ខ្លួនខាតបង់អស់ចំនួន ១០ ពាន់លានដុល្លារនិងបានធ្លាក់ចុះភាគហ៊ុនចំនួន ៩.៥ ភាគរយនៅក្នុងខែមករាដែលនឹងបង្ខំឱ្យវិនិយោគិនដកភាគហ៊ុនរបស់ខ្លួនទាំងស្រុងនៅក្នុងក្រុមហ៊ុន។
លោក Wendy Wysong ដៃគូគ្រប់គ្រងការិយាល័យ Steptoe & Johnson ដែលជាក្រុមហ៊ុនច្បាប់លំដាប់ពិភពលោករបស់ហុងកុងដែលមានទីស្នាក់ការនៅទីក្រុងវ៉ាស៊ីនតោនបាននិយាយថា “ក្រុមហ៊ុននានាកំពុងចាត់ចែងមេធាវីដើម្បីប្រកួតប្រជែងគ្នាពាក់ព័ន្ធនឹងបញ្ជីខ្មៅ និងមូលដ្ឋានដែលក្រុមហ៊ុនត្រូវបានចុះក្នុងបញ្ជីខ្មៅនេះ”។
លោក Wysong និងមនុស្សដែលស្និទស្នាលនឹង Hogan Lovells ដែលជាក្រុមហ៊ុនច្បាប់សកលមួយផ្សេងទៀតបានបដិសេធមិនប្រាប់ឈ្មោះក្រុមហ៊ុនដែលពាក់ព័ន្ធក្នុងការពិភាក្សានោះទេ។
លោកចៅក្រម Contreras បានលើកឡើងថា វាជាចំនុចខុសឆ្គងនៃដំណើរការរបស់រដ្ឋាភិបាលអាមេរិកចំពោះការដាក់បញ្ចូលក្រុមហ៊ុន Xiaomi ទៅក្នុងការហាមឃាត់ការវិនិយោគដោយផ្អែកលើលក្ខណៈវិនិច្ឆ័យសំខាន់ពីរគឺការអភិវឌ្ឍបច្ចេកវិទ្យា 5G និងបញ្ញាសិប្បនិម្មិត (AI) ដែលក្រសួងការពារជាតិបានចោទប្រកាន់ថា «ចាំបាច់សម្រាប់ប្រតិបត្តិការយោធាទំនើប” និង ពានរង្វាន់ដែលបានផ្តល់ឱ្យស្ថាបនិកក្រុមហ៊ុន Xiaomi និងជានាយកប្រតិបត្តិគឺលោក Lei Jun ដោយអង្គការមួយដើម្បីជួយរដ្ឋាភិបាលចិនលុបបំបាត់ឧបសគ្គរវាងវិស័យពាណិជ្ជកម្មនិងយោធា»។
ចៅក្រមបានកត់សម្គាល់ថាបច្ចេកវិទ្យា 5G និងបច្ចេកវិទ្យា AI កំពុងក្លាយជាស្តង់ដារយ៉ាងឆាប់រហ័សនៅក្នុងគ្រឿងអេឡិចត្រូនិករបស់អ្នកប្រើប្រាស់ហើយសហគ្រិនជាង 500 នាក់បានទទួលពានរង្វាន់ដូចគ្នានឹង Lei ដែរតាំងពីឆ្នាំ 2004 រួមទាំងអ្នកដឹកនាំក្រុមហ៊ុនផលិតទឹកដោះគោសម្រាប់ទារក។
នៅក្នុងឯកសាររួមមួយកាលពីថ្ងៃអង្គារ រដ្ឋាភិបាលបាននិយាយថាខ្លួនមិនទាន់បានសម្រេចចិត្តបែបណានោះទេចំពោះករណីក្រុមហ៊ុន Xiaomi បើយោងទៅតាមសេចក្តីសម្រេចរបស់ចៅក្រម។
អ្នកនាំពាក្យក្រសួងយុត្តិធម៌អាមេរិកដែលកំពុងការពាររឿងក្តីនេះបានបដិសេធមិនធ្វើអត្ថាធិប្បាយទេ។ អ្នកនាំពាក្យក្រសួងការពារជាតិបានបង្វែរសំណួរទៅកាន់សេតវិមានដែលមិនបានឆ្លើយតប។
ក្រុមហ៊ុន Xiaomi និងក្រុមហ៊ុនចំនួន ៤៣ ផ្សេងទៀតត្រូវបានបន្ថែមនៅក្នុបញ្ជីខ្មៅក្នុងរយៈពេលតែប៉ុន្មានខែប៉ុណ្ណោះនៃរដ្ឋបាលលោក Trump ទៅក្នុងបញ្ជីខ្មៅដែលត្រូវបានតម្រូវដោយច្បាប់ឆ្នាំ ១៩៩៩ ដែលតម្រូវឱ្យក្រសួងការពារជាតិធ្វើការចងក្រងក្រុមហ៊ុនដែលគ្រប់គ្រងដោយយោធាចិន។
ដោយការដាក់សម្ពាធដ៏តឹងរឹងលើប្រទេសចិន និងដាក់បន្ទុកដល់អ្នកស្នងតំណែងប្រធានាធិបតីមកពីគណៈបក្សប្រជាធិបតេយ្យគឺ លោកចូបៃដិន លោក Trump បានចុះហត្ថលេខាលើបទបញ្ជាមួយដែលក្រោយមកត្រូវបានពង្រីកដើម្បីរារាំងវិនិយោគិនអាមេរិកទាំងអស់ពីទិញយកមូលប័ត្ររបស់ក្រុមហ៊ុនដែលមានឈ្មោះក្នុងបញ្ជីខ្មៅចាប់ពីថ្ងៃទី ១១ ខែវិច្ឆិកាឆ្នាំ ២០២១ តទៅ។
ក្រុមហ៊ុនផ្សេងទៀតដែលបានចុះបញ្ជីរួមមានក្រុមហ៊ុនវីដេអូសុវត្ថិភាពថ្នាក់យក្ស Hikvision ក្រុមហ៊ុនប្រេងឆៅជាតិរបស់ចិន (CNOOC) និងក្រុមហ៊ុនផលិតបន្ទះឈីបកំពូលរបស់ចិនគឺសាជីវកម្មផលិតកម្មអេឡិចត្រូនិកអន្តរជាតិ។
ក្រុមហ៊ុន SMIC, Hikvision និង CNOOC មិនបានឆ្លើយតបភ្លាមៗចំពោះសំណើសុំការអត្ថាធិប្បាយទេ។
Luokung Technology Corp ជាក្រុមហ៊ុនបច្ចេកវិទ្យាធ្វើផែនទីនៅក្នុងបញ្ជីខ្មៅក៏បានប្តឹងរដ្ឋាភិបាលសហរដ្ឋអាមេរិកកាលពីដើមខែនេះហើយត្រូវបានគេរំពឹងថានឹងទទួលបានការលើកលែងដូចដែលបានផ្តល់ទៅឱ្យក្រុមហ៊ុន
Xiaomi៕