អង់គ្លេស៖ ទីផ្សារដោះដូរកីឡាករនារដូវក្ដៅនឹងខិតជិតចូលមកដល់ហើយ ទើបប្រធានក្រុម Harry Maguire នៃក្លិបបិសាចក្រហម Manchester United បានស្នើសុំឲ្យក្លិបទិញយកខ្សែការពារ Ben White ដែលបច្ចុប្បន្នកំពុងលេងឲ្យ Brighton នេះបើយោងតាមសេចក្ដីរាយការណ៍។
ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័សHarry Maguire ចាត់ទុកជាកីឡាករសំណព្វចិត្តរបស់លោកគ្រូបង្វឹក Ole Gunnar Solskjaer ព្រោះតាំងពីផ្ទេរពីក្លិបកញ្ជ្រោង Leicester City ក្នុងឆ្នាំ២០១៩មក រូបគេបានចូលលេងសឹងតែគ្រប់ការប្រកួតដោយកម្របាត់មុខណាស់។
ការស្នើសុំរបស់ Maguire នេះអាចនឹងធ្វើឲ្យក្លិបគិតគូពិចារណាយកការទិញយក Ben White ព្រោះប្រធានក្រុមបិសាចក្រហមរូបនេះចង់ចាប់ដៃគូលេងជាមួយ White ស្របពេលក្លិបក៏កំពុងដាក់គោលដៅទិញយកខ្សែការពារផ្សេងៗទៀតដូចជា Jules Kounde, Raphael Varane និង Pau Torres ជាដើម។
Ben White អាចលេងជាតំណែងការពារក៏បានបម្រើក៏បានដែលធ្វើឲ្យ Maguire គិតថាស្ទាយ៍នៃការលេងរបស់កីឡាករវ័យ២៣ឆ្នាំរូបនេះស័ក្តិសមនឹងចាប់ដៃគូជាមួយគេណាស់។
នៅរដូវកាលនេះ White ចូលលេងបាន៣០ប្រកួតឲ្យក្លិបបន្ទាប់ពីត្រឡប់ពីខ្ចីជើងនៅក្លិប Leeds នារដូវកាលមុន ហើយតម្លៃខ្លួនរបស់គេអាចនឹងខ្ទង់ ៥០លានផោន(ស្មើនឹងប្រមាណ៦៩.៦លានដុល្លារ)៕
ប្រភព៖ express