អង់គ្លេស៖ លោក Paul Merson បានបង្ហាញទស្សនៈផ្ទាល់ខ្លួនថា ក្លិបបិសាចក្រហម Manchester United គ្មានផ្លូវអាចឈ្នះពាន Premier League បានទេបើសិននៅតែយក ខ្សែប្រយុទ្ធ Edinson Cavani ធ្វើជាខ្សែប្រយុទ្ធជួរមុខរបស់ពួកគេ។
ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័ស
Cavani នឹងផុតកុងត្រាជាមួយ Man UTD នៅចុងរដូវកាលនេះហើយបន្ទាប់ពីផ្ទេរពី Paris Saint-Germain កាលពីខែតុលាឆ្នាំ២០២០កន្លងមកនេះ ហើយពេលផ្ទេរមកលេងក្រោមការដឹកនាំរបស់លោកគ្រូបង្វឹក Ole Gunnar Solskjaer កីឡាករសញ្ជាតិអ៊ុយរ៉ាហ្កាយរូបនេះបានបង្ហាញទម្រង់លេងដ៏លេចធ្លាប៉ុន្តែថ្មីៗមកនេះ ព័ត៌មានចចាមអារ៉ាមមួយបានផ្ទុះឡើងថា Cavani មិនសប្បាយចិត្តក្នុងការស្នាក់នៅទឹកដី Old Trafford ឡើយនិងចង់ផ្ទេរទៅលេងនៅ Boca Juniors ។
លោក Paul Merson ឯណោះវិញមើលឃើញថា ក្លិបត្រូវតែឈប់ពឹងពាក់លើ Edinson Cavani និងត្រូវរកបេក្ខភាពខ្សែប្រយុទ្ធដ៏ស័ក្តិសមម្នាក់មកជំនួសរូបគេដែលលោកគិតថា ខ្សែប្រយុទ្ធ Harry Kane គួរតែអាចបំពេញតួនាទីនេះបាន។
លោកបានថ្លែងប្រាប់ Sky Sport ថា៖
ខ្ញុំជាអ្នកគាំទ្រម្នាក់របស់គេ(Edinson Cavani)ហើយខ្ញុំគិតថាគេជាកីឡាករមួយរូបដ៏ពិសេសប៉ុន្តែ Man UTD ត្រូវការឈ្នះពាន Premier League ហើយអ្នកមិនអាចឈ្នះវាដោយយក Cavani មកលេងបានទេ។ ក្លិបគួរតែរកខ្សែប្រយុទ្ធស្លាបកណ្ដាលម្នាក់ទៀតមកជំនួស។ វាគ្មានផ្លូវដែលគេអាចចូលលេងបាន៣៨ប្រកួតនៅ Premier League ហើយរកបាន២៥គ្រាប់នោះឡើយ។ គេជាកីឡាករកំពូលមែនតែគេមិនមែនស្ថិតក្នុងយុវភាពដែលមានកម្លាំងពលំពេញលេញឡើយ វាពិតណាស់ដែលគេចូលរួមចំណែកធ្វើឲ្យមិត្តរួមក្រុមមានជំនឿជឿជាក់ជាងមុនប៉ុន្តែបើសិនអ្នកទិញយក Erling Haaland ឬ Harry Kane ខ្ញុំគិតថា Cavani គួរតែចាកចេញព្រោះក្លិបគ្មានផ្លូវអាចផ្ដល់ប្រាក់១សែនផោន(ស្មើនឹងប្រមាណ ១សែន៣ម៉ឺនដុល្លារ) អ៊ីចឹងហើយក្លិបត្រូវតែលក់ Cavani បើសិនចង់យក ខ្សែប្រយុទ្ធឆ្នើមណាមួយមក៕
ប្រភព៖ metro
Bong I.T