អង់គ្លេស៖ លោកគ្រូបង្វឹក Ole Gunnar Solskjaer បានបង្ហើបថាលោកគ្រូចង់ចុះកុងត្រាយក ខ្សែប្រយុទ្ធ Cristiano Ronaldo និង អតីតខ្សែបម្រើឆ្នើម Roy Keane មកលេងឲ្យក្រុមបិសាចក្រហម Manchester United នាពេលឥលូវៗនេះបើសិនជាអាចទៅរួច។
ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័ស
លោកគ្រូ Solskjaer ធ្លាប់ចំណាយពេលដល់ទៅ៩ឆ្នាំកៀកកគ្នាលេងជាមួយប្រធានក្រុម Roy Keane ហើយថែមទាំងបានឈ្នះពាន Premier League ដល់ទៅប្រាំសម័យជាមួយគ្នាដោយកាលណោះលោកគ្រូ និង Roy Keane បានក្លាយជាកីឡាករស្នូលក្រោមការដឹកនាំរបស់ Sir Alex Ferguson ក្នុងឆ្នាំ១៩៩៩។
ខ្សែប្រយុទ្ធ Cristiano Ronaldo ឯណេះវិញបានផ្ទេរមកចូលរួមជាមួយ Manchester United កំឡុងពេលដែលលោកគ្រូ Ole ស្នាក់នៅទឹកដី Old Trafford ដែរ ក្នុងនាមជាកីឡាករ ដោយថែមទាំងបានលើកពាន Premier League ជាមួយគ្នាទៀតផង។
ថ្លែងក្នុងកម្មវិធីសួរសំណួរចម្លើយមួយ អ្នកគាំទ្ររបស់ Manchester United ម្នាក់បានសួរ Solskjaer ថាលោកគ្រូចង់បានអតីតកីឡាករ Man UTD រូបណាមករួមក្រុមនាពេលឥលូវៗនេះ? លោកគ្រូក៏សម្រេចចិត្តមិនដាច់ថាតើគួររើសយក Cristiano Ronaldo ឬ Roy Keane។
មានកីឡាករច្រើនដែរដែលខ្ញុំចង់ឲ្យគេមកលេងនៅ Man UTD ពេលនេះ ខ្ញុំចង់បាន Roy Keane ណាស់តែខ្ញុំមិនច្បាស់ទេថាអាចដឹកនាំគេបានឬអត់។ បើបាន Keane មកមែន ខ្ញុំប្រាកដជាដាក់ឲ្យគេចូលលេងរាល់ថ្ងៃរាល់សប្តាហ៍មិនខាន Roy គឺជាកីឡាករដែលអាចជះឥទ្ធិពលល្អដល់កូនក្រុមខ្ញុំ។ ខ្ញុំក៏ធ្លាប់បានលេងជាមួយ Cristiano Ronaldo ដែរ។ Ronaldo ជាកីឡាករល្អបំផុតអមជាមួយ Messi អស់រយៈពេល១០ទៅ១៥ឆ្នាំមកហើយ ដូច្នេះខ្ញុំនឹងជ្រើសរើសយកគេ(Ronaldo)មួយទៀត៕
ប្រភព៖ metro
Bong I.T