អ្នកឧកញ៉ា ឡេង ណាវ៉ាត្រា ប្រកាសជួយរដ្ឋាភិបាល ៣លានដុល្លារ ដើម្បីជួយទប់ស្កាត់កូវីដ-១៩

ភ្នំពេញ៖ មុននេះបន្តិចអ្នកឧកញ៉ាចិត្តធម៌ ឡេង ណាវ៉ាត្រា បានប្រកាសក្នុងគណនីយ Facebook ផ្លូវការរបស់លោកថា ជួយតាមរយ:សម្ដេចតេជោដើម្បីទប់ស្កាត់ជំងឺ covid-19 នូវទឹកប្រាក់ចំនួន ៣លានដុល្លារ ។ 

ក្នុងគណនី Facebook ផ្លូវការរបស់លោកបានសរសេរសារមួយយ៉ាងមានអត្ថន័យដូច្នេះថា៖

"ខ្ញុំបាទនិងក្រុមគ្រួសារសូមជួយតាមរយ:សម្ដេចតេជោដើម្បីទប់ស្កាត់ជំងឺ covid 19 #ចំនួន3លានដុល្លារ ។ ខ្ញុំមិនអាចរស់នៅតែឯង បើប្រទេសជាតិមានចលាចល គ្មានស្ថេរភាព គ្មានសុខសន្តិភាព ខ្ញុំក៏មិនដឹងយកលុយទាំងនេះទៅចាយឯណាដែរ ខ្ញុំកើតនៅកម្ពុជាស្លាប់នៅកម្ពុជា ជួយប្រជាជនកម្ពុជា ជាតួនាទីរបស់យើងទាំងអស់គ្នា សាមគ្គីភាពទើបមានភាពរឹងមាំ ពេលនេះមិនមែនជាពេលបន្ទោសអ្នកណាម្នាក់ទេ តែជាពេលយើងត្រូវសាមគ្គីគ្នា។ សូមបញ្ជាក់ទៅដល់បងប្អូន ខ្ញុំមិនមែនជាអ្នកមានលុយច្រើននោះទេតែខ្ញុំមានបេះដូងស្រឡាញ់ប្រទេសជាតិរបស់យើង ហើយក៏មិនអាចអោបដៃឈរមើលអោយថ្នាក់ដឹកនាំទទួលអំរែកតែឯងនោះដែ៕  ៉

គួររំលឹកផងដែរថា នេះមិនមែនជាលើកទី១ទេ ដែលអ្នកឧកញ៉ាចិត្តធម៌រូបនេះបានចំណាយថវិកាខ្ទង់លានផ្ទាល់ខ្លួនក្នុងការជួយដល់រដ្ឋាភិបាលដើម្បីទប់ស្កាត់នូវបញ្ហាមួយចំនួនដូចជា គ្រោះទឹកជំនន់កន្លងទៅ និងបញ្ហាកូវីដនេះផងដែរ ៕

សូមទស្សនារូបភាពខាងក្រោម៖