រុស្ស៊ី៖ ជាជាងសម្ដែងនៅកន្លែងសមគួរ នារីជនជាតិរុស្ស៊ីម្នាក់ បានរាំរបាំបាឡេ នៅឈូងសមុទ្រទឹកកក ជាប់ប្រទេសហ្វាំងឡង់ ក្រោមសីតុណ្ហភាពធាតុ -១៥អង្សា។
ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័សនាង Ilmira Bagrautinova គឺជានារីរបាំបាឡេ មកពីមហោស្រពរុស្ស៊ី Mariinsky ដ៏ល្បីល្បាញមួយលើពិភពលោក បានសម្ដែងនៅលើឆ្នេរសមុទ្រដ៏មានប្រជាប្រិយមួយឈ្មោះថា Batareinaya ប្រហែល ១០០គីឡូម៉ែត្រ នៅភាគខាងលិចនៃទីក្រុងធំទី ២ St Petersburg របស់ប្រទេសរុស្ស៊ី។
យ៉ាងណាមិញ នាង Ilmira Bagrautinova ធ្វើបែបនេះ ក្នុងគោលបំណង ដើម្បីបង្ហាញការជំទាស់ទៅនឹងការសាងសង់កំពង់ផែនៅក្នុងតំបន់ខាងលើ ព្រោះវាជាជម្រករបស់សត្វព្រៃរស់នៅ ហើយនាងសង្ឃឹមថា វីដេអូសម្ដែងរបស់នាង ក៏នឹងអាចជាចំណែកមួយជួយដល់សម្បុករបស់សត្វក្ងានព្រៃ (Swan) ដែលរស់នៅក្នុងតំបន់ខាងលើនេះផងដែរ៕