ដៃគូ​​ចាស់់​ ប៉ះគ្នា​ក្នុងបទថ្មី នៅតែប្លែកគួរសម (មានវីដេអូ)

ជារៀងរាល់ឆ្នាំ ដើម្បីអបអរសាទរបុណ្យចូលឆ្នាំប្រពៃណីជាតិ គេតែងតែឃើញផលិតកម្មនាៗទាំងក្នុង និង​ក្រៅ​ស្រុក​តែងតែ​ផលិតបទចំរៀងថ្មីៗ ទាំងចង្វាក់ប្រពៃណី និងចង្វាក់សំរាប់រាំកម្សាន្តផ្សេងៗទៀតផងដែរ។

ក្នុងនោះដែរផលិតកម្មរស្មីហង្ស​មាស ដែលគ្រប់គ្នាស្គាល់ថាជាផលិតកម្មដ៏ធំមួយនៅក្នុងស្រុក ដែលមានផលិតបទ​ចម្រៀង​បានច្រើនណាស់ដែរក្នុងមួយឆ្នាំៗ និងមានតារាចម្រៀងល្បីជាច្រើនរូប។

តែក្នុងឆ្នាំ២០២១នេះគេសម្គាល់ឃើញថា ក៏មានដៃគូរចម្រៀងចាស់ដ៏សក្តិសមមួយគូ ដែលបានចាប់ដៃជាមួយគ្នា ទាំងផ្នែកចម្រៀង និងសម្តែងនោះគឺ លោកឆន សុវណ្ណរាជ្យ និងអ្នកនាង ឱក សុគន្ធកញ្ញា រួមដៃក្នុងការផលិតបទ​ចម្រៀងមួយក្នុងចង្វាក់ប្រពៃណីយ៉ាងរស់រវើក រួមជាមួយសំលៀលបំពាក់ប្រពៃណីយ៉ាងស្រស់ស្អាត​ ដែលធ្វើអោយ​ហ្វេនៗ​របស់តារាទាំងពីរដួង ញញឹមបិទមាត់មិនជិត៕