អង់គ្លេស៖ អតីតជំនួយការគ្រូបង្វឹករបស់ក្លិបបិសាចក្រហម Manchester United លោក Rene Meulensteen បានបង្ហើបពីហេតុផលដែលខ្សែបម្រើ Bruno Fernandes លេងមិនសូវបានល្អរាល់ពេលក្រុមត្រូវប្រកួតទល់ជាមួយនឹងក្លិបគីឡូធ្ងន់នៅ Premier League ។
ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័ស
កីឡាករសញ្ជាតិព័រទុយកាល់រូបនេះបានផ្ទេរមកលេងនៅទឹកដីកីឡដ្ឋាន Old Trafford តាំងពីមួយឆ្នាំមុន ហើយទម្រង់លេងរបស់គេពិតជាបានលើកស្ទួយឲ្យក្រុមរបស់លោកគ្រូបង្វឹក Ole Gunnar Solskjaer ធ្វើបានល្អជាងមុនគួរឲ្យកត់សម្គាល់។
យ៉ាងណាមិញ Fernandes នៅតែទទួលបានការរិះគន់ពីសំណាក់អ្នកគាំទ្រមួយចំនួនក្រោយក្លិបបិសាចក្រហមលេងបានត្រឹមស្មើ ០ ទល់នឹង ០ ជាមួយ Chelsea ខណៈដែល Bruno ធ្លាប់ស៊ុតបញ្ចូលទីទល់នឹងក្រុមគីឡូធ្ងន់បានតែ១គ្រាប់គត់គឺកាលប៉ះក្លិបខ្នាយមាស់មាស Tottenham Hotspur កាលពីខែតុលាដែល Man UTD យកឈ្នះដល់ទៅ ៦ ទល់នឹង ១ ។
តាំងពីពេលនោះមក Man UTD នៅតែរកគ្រាប់បាល់មិនបានពេលប៉ះនឹង Manchester City, Liverpool, Arsenal និង Chelsea ធ្វើឲ្យលោកគ្រូ Ole Gunnar Solskjaer បានចេញមុខទទួលស្គាល់ថាក្រុមខ្សត់គ្រាប់បាល់ណាស់ព្រោះ Bruno Fernandes បែរជាលេងមិនសូវបានល្អកំឡុងពេលប្រកួតទល់នឹងក្រុមធំៗ។
ដោយមើលឃើញពីភាពលំបាកនេះ លោក Meulensteen ដែលជាអតីតគ្រូជំនួយ Man UTD ពីឆ្នាំ២០០៧ដល់ឆ្នាំ២០១៣បានពន្យល់ពីហេតុផលដែលគេលេងមិនបានល្អដោយប្រាប់ Stadium Astro ថា៖
នៅពេលដែលគេ (Bruno Fernandes) ប្រៀបបាននឹងកីឡាករដ៏មានឥទ្ធិពលក្នុងក្រុម គឺ ក្លិបគីឡូធ្ងន់ទាំងអស់ដែលប្រកួតជាមួយ Man UTD សុទ្ធតែដឹងថាបើសិនពួកគេអាចបញ្ឈប់ Fernandes កុំឲ្យបណ្ដើរបាល់ចូលតំបន់គ្រោះថ្នាក់បាននោះវាមានន័យថា ក្រុមបិសាចក្រហមទាំងមូលគ្មានឱកាសបានរកគ្រាប់បាល់ឡើយ។ ខ្ញុំគិតគេមកពីគេព្យាយាមដាក់សំពាធខ្លួនឯងខ្លាំងពេក ដូច្នេះហើយទើបអ្វីគ្រប់យ៉ាងវាមិនទៅតាមការគិតទុករបស់គេ។ ខ្ញុំចង់ឲ្យគេស្ងប់អារម្មណ៍ជាងមុនបន្តិច៕
ប្រភព៖ thesun
Bong I.T