ប្រជាជនខ្មែរយើងភាគច្រើន ជាពិសេសបុរសៗ ចូលចិត្តជប់ខ្យល់នៅពេលដែលឈឺម្តងៗ។ តើការជប់ខ្យលនេះផ្តល់អត្ថប្រយោជន៍អ្វីខ្លះ?
ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័សជាក់ស្តែងការជប់ខ្យល់នេះមានដើមកំណើតចេញពីប្រទេសចិន ហើយត្រូវបានប្រើប្រាស់ដោយប្រជាជនស្ទើរតែទូទាំងពិភពលោក។ ហេតុនេះហើយទើបក្រុមស្រាវជ្រាវផ្នែកវិទ្យាសាស្រ្តសុខភាពនៃសហរដ្ឋអាមេរិកបានសិក្សាពីអត្ថប្រយោជន៍នៃការជប់ខ្យល់នេះ ដែលបង្ហាញថាការជប់ខ្យល់ផ្តល់អត្ថប្រយោជន៍សម្រាប់សុខភាពច្រើនជាងផលវិបាក។ ខាងក្រោមនេះជាអត្ថប្រយោជន៍ 3 យ៉ាងពីការជប់ខ្យល់៖
1-ជួយបំបាត់ការឈឺចាប់សាច់ដុំ
ត្រឹមត្រូវណាស់ ការជប់ខ្យល់គឺពិតជាជួយដល់ការសំរួលសាច់ដុំ ដែលសក្តិសមបំផុតសំរាប់អ្នកហាត់កីឡាធ្ងន់ៗដែលប្រើប្រាស់សាច់ដុំខ្លាំង។ ការជប់ខ្យល់ក៏ជួយសំរួលដល់ដំណើរការនៃសរសៃឈាមអត់មានលំហូរស្រួលដែលសំរួលដល់ពេលឈឺសាច់ដុំក្រោយហាត់ប្រាណ ឬការឈឺសាច់ដុំពេលជិតផ្តាសាយជាដើម។
2-សម្រួលដល់ភាពតានតឹងផ្លូវចិត្ត
ការជប់ខ្យល់មិនត្រឹមតែផ្តល់អត្ថប្រយោជន៍សម្រាប់សុខភាពផ្លូវកាយនោះទេ តែក៏ជួយសម្រួលដល់ភាពតានតឹនផ្លូវចិត្ត ដូចជា ស្ត្រេស ថប់បារម្ភ ជាដើម។ ហេតុអ្វីបានជាអាចជួយបាន? ព្រោះនៅពេលដែលអ្នកជប់ខ្យល់ វាបានធ្វើអោយសាច់ដុំនៃរាងកាយសម្រាក ហើយលំហូរឈាមដែលរត់បានសព្វពេញរាងកាយអាចជួយសំរួលដល់អុកស៊ីសែនក្នុងខួរក្បាលដែលធ្វើអោយភាពតានតឹងទាំងផ្លូវកាយ និងផ្លូវចិត្តអាចធូរស្រាលបានមួយគ្រា។
3-សម្រួលដល់ប្រព័ន្ធរំលាយអាហារ
ជាក់ស្តែងការជប់ខ្យល់ (ដោយមិនប្រើប្រាស់ភ្លើង) ក៏អាចជួយសម្រួលដល់ប្រព័ន្ធរំលាយអាហារផងដែរ ក្នុងនោះរួមមានពង្រឹងការរំលាយអាហារ សម្រួលដល់ការបន្ទោរបង់ និងពង្រឹងប្រព័ន្ធរំលាយអាហារឡើងវិញផងដែរ។
យ៉ាងណាមិញ ការជប់ខ្យល់មិនតម្រូវអោយធ្វើជាប្រចាំនោះទេ ព្រោះវាក៏អាចបណ្តាលអោយមានគ្រោះថ្នាក់ដល់សុខភាពស្បែកផងដែរ។ ទោះអ្នកចូលចិត្តជប់ខ្យល់ក៏ដោយ តែយ៉ាងហោចណាស់ត្រូវទុកចន្លោះរយៈពី 10 ទៅ 12 ថ្ងៃក្នុងការជប់ខ្យល់ផងដែរ។
ហេតុផលច្រើនបែបនេះហើយបានជា The Rock ក៏ជប់ខ្យល់ដែរ?