មនុស្សមួយចំនួនប្រហែលជាគិតថា សត្វអណ្តើកគឺជាសត្វដែលមានអាយុវែងជាងគេ​ ដែលជា​មធ្យម​សត្វនេះ​អាចរស់​នៅ​បាន​ ១៧៧ឆ្នាំ។ ដោយឡែកមានសត្វមួយចំនួន គឺមានអាយុវែងជាងសត្វអណ្តើកទៅទៀត។ មានសត្វមួយ​ចំនួន​ទៀត មានអាយុច្រើនជាងមនុស្សលោកយើងទៅទៀត ដែលជាមធ្យមមនុស្សយើងអាចរស់នៅបានប្រហែលពី ៧០ ទៅ១០០ឆ្នាំ។ ខាងក្រោមនេះជាសត្វចំនួន ១១ប្រភេទ ដែលមានអាយុរស់នៅបានយូរជាងគេនៅក្នុងពិភពលោក៖

ទី១. ត្រីឆ្លាម Greenland

ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័ស
ត្រីឆ្លាម Greenland

ត្រីឆ្លាម Greenland ភាគច្រើនត្រូវបានគេរកឃើញរស់នៅជិតកោះ Greenland ដែលជាកោះធំបំផុតនៅក្នុងពិភព​លោក ហើយក៏ជាកម្មសឹទ្ធិរបស់ប្រទេសដាណឺម៉ាក (Denmark)ផងដែរ។ សត្វត្រីប្រភេទនេះជា​មធ្យមអាច​រស់​នៅ​បាន ២៧២ ទៅ ៣៩២ឆ្នាំ។ 

ទី២. លៀសសមុទ្រ Geoduck 

លៀសសមុទ្រ Geoduck 

លៀសសមុទ្រ Geoduck ត្រូវបានគេដឹងថាអាចរស់នៅបានចំនួន ១៦៥ឆ្នាំ។ រយៈពេលបួនឆ្នាំដំបូង​ក្រោយពេល​ចាប់​កំណើត លៀសប្រភេទនេះ​លូតប្រវែងបាន​ ១អ៉ីងជារៀងរាល់ឆ្នាំ។ 

ទី៣. បង្កួយ Tuatara 

បង្កួយ Tuatara

បង្កួយ Tuataraត្រូវបានគេដឹងថា អាចរស់បានជាមធ្យមចំនួន១០០ឆ្នាំ។ សត្វបង្កួយប្រភេទនេះរស់នៅលើផែនដីតាំងពី២០០លានឆ្នាំមុនមកម្លេះ។

ទី៤. ដង្កូវសមុទ្រ Lamellibrachia Tube

ដង្កូវសមុទ្រ Lamellibrachia Tube

សត្វដង្កូវសមុទ្រដែលមានពណ៌ចម្រុះមួយប្រភេទនេះ អាចរស់នៅបានចន្លោះពី ១៧០ឆ្នាំទី២៥០ឆ្នាំ។ 

ទី៥. កាំប្រម៉ាសមុទ្រក្រហម

កាំប្រម៉ាសមុទ្រក្រហម 

សត្វសមុទ្រប្រភេទនេះត្រូវបានគេស្គាល់ថារស់នៅបានចន្លោះពី ១០០ឆ្នាំទៅ២០០ឆ្នាំ។ គេអាចរកវាឃើញនៅក្នុង​មហា​សមុទ្រប៉ាស៊ីហ្វិក និងតំបន់ឆ្នេរសមុទ្រភាគខាងលិចនៃទ្វីបអាមេរិកខាងជើង។ 

ទី៦. ត្រីបាឡែន Bowhead

ត្រីបាឡែន Bowhead

ត្រីបាឡែនប្រភេទនេះភាគច្រើនរស់នៅក្នុងមហាសមុទ្រអាកទិច ដែលជាមហាសមុទ្រស្ថិតនៅប៉ូលខាងជើងនៃភពផែនដី។ ត្រីបាឡែន Bowhead អាចរស់នៅបានចន្លោះពី៦០ ទៅ៧០ឆ្នាំ។ 

ទី៧. ត្រី Koi 

ត្រី Koi 

ត្រី Koi អាចលូតលស់ប្រវែងបាន៣ហ្វីត។ ត្រីប្រភេទអាចរស់នៅបានជាមធ្យម៤០ឆ្នាំ ខណៈត្រី Koi ដែលចាស់​ជាង​គេ​​អាចរស់នៅបានដល់ទៅ ២០០ឆ្នាំ។ 

ទី៨. អណ្តើកគោក

អណ្តើកគោក 

អណ្តើកគោកអាចរស់នៅបានដល់ទី១៧៧ឆ្នាំ ដែលជាអាយុមួយដែលវែងជាងគេក្នុងចំណោមសត្វដែលរស់នៅ​លើ​គោក។

ទី៩. លាសសមុទ្រ Quahog 

លាសសមុទ្រ Quahog

លាសសមុទ្រ Quahog ត្រូវបានគេស្គាល់ថាអាចរស់នៅបានជាមធ្យមប្រហែល១០០ឆ្នាំ។ 

ទី១០. សត្វ Antarctic Sponge 

សត្វ Antarctic Sponge

សត្វប្រភេទនេះអាចរស់នៅជាមធ្យម៣០០ឆ្នាំ ហើយវារស់នៅជម្រៅពី៣២៥ដល់៦៥០០ហ្វីតក្រោមទឹក ជាជម្រៅមួយដែលត្រជាក់ខ្លាំង។ 

ទី១១. ខ្ញែរសមុទ្រ Immortal 

ខ្ញែរសមុទ្រ Immortal 

គេដឹងថា ពពួកខ្ញែរសមុទ្រប្រភេទនេះ គឺមិនងាយស្លាប់នោះទេ វាអាចរស់នៅបានមួយពាន់ឆ្នាំជាមធ្យម។ នៅពេលវា​មានអាយុច្រើន វានឹងបម្លែងខ្លួនរបស់វាទៅជាវារៈរស់តូចៗនៅក្នុងសមុទ្រវិញ៕

បើមានព័ត៌មានបន្ថែម ឬ បកស្រាយសូមទាក់ទង (1) លេខទូរស័ព្ទ 098282890 (៨-១១ព្រឹក & ១-៥ល្ងាច) (2) អ៊ីម៉ែល [email protected] (3) LINE, VIBER: 098282890 (4) តាមរយៈទំព័រហ្វេសប៊ុកខ្មែរឡូត https://www.facebook.com/khmerload

ចូលចិត្តផ្នែក យល់ដឹង និងចង់ធ្វើការជាមួយខ្មែរឡូតក្នុងផ្នែកនេះ សូមផ្ញើ CV មក [email protected]