មនុស្សជាច្រើនដែលបង្កើតទំនាក់ទំនងស្នេហាឡើង ជាការពិតថាពួកគេចង់ដើរដល់ត្រើយនៃសុភមង្គលបានរៀបការ រស់នៅជាមួយមនុស្សដែលខ្លួនឯងស្រឡាញ់ ក៏ប៉ុន្តែមិនមែនគ្រប់គូសុទ្ធតែបានជួបនូវសុភមង្គលបែបនេះនោះឡើយ គឺមានគូខ្លះបានបញ្ចប់ទំនាក់ដាច់ប៉ាច់ដូចជា យកកន្រ្តៃមកកាត់សក់យ៉ាងដូច្នោះដែរ។ ជុំវិញរឿងរ៉ាវបែកបាក់ស្នេហានេះ នៅតែមានជាចម្ងល់សម្រាប់មនុស្សមួយចំនួនថា ហេតុអ្វីបានជាស្រឡាញ់គ្នាហើយត្រូវបែកគ្នា?
ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័សមានហេតុផលច្រើនយ៉ាងណាស់ ដែលអាចធ្វើឲ្យទំនាក់ទំនងឈានដល់ការបែកបាក់គ្នា ក៏ប៉ុន្តែហេតុផលទាំង ៣ ប្រភេទខាងក្រោមនេះ គឺជាចំណុចធំៗដែលធ្វើឲ្យបែកគ្នាយ៉ាងងាយ៖
១/ គេអស់ចិត្ត
ជារឿងសាមញ្ញទៅហើយចំពោះហេតុផលមួយនេះ ព្រោះបើសិនជាគេអស់ចិត្តហើយ ទោះបីជាអ្នកម្ខាងទៀតខំស្វះស្វែងរកមធ្យោបាយយ៉ាងណា ក៏គេពិបាកនឹងត្រឡប់ក្រោយដែរ។ ចិត្តដែលធ្លាប់ស្រឡាញ់បានរលាយសាបសូន្យទៅហើយ បើប្រឹងបន្តគឺមានតែរស់នៅបៀបទុក្ខតែប៉ុណ្ណោះ។
២/ បញ្ហាគ្រួសារ
ច្រើនគូណាស់ ដែលព្រាត់ប្រាស់គ្នាដោយសារការមិនពេញចិត្តពីសំណាក់គ្រួសារទាំងសងខាង។ មានខ្លះព្រាត់រស់នឹងមានខ្លះព្រាត់ស្លាប់ ហើយអ្នកដែលអាចនៅជួបជុំគ្នាបានគឺជាមនុស្សដែលមានការអត់ធ្មត់ខ្ពស់បំផុត ក្នុងការទ្រាំក៏ដូចជារកវិធីសាស្រ្ត ដើម្បីផ្គាប់ចិត្តគ្រួសារទាំងសងខាង។
៣/ ការនៅឆ្ងាយគ្នា
បើទោះបីជាមានគូស្នេហ៍ស្មោះស្ម័គ្រមួយចំនួន បានឆ្លងកាត់វារួចយ៉ាងណាក្ដី ក៏បញ្ហានេះនៅតែឈរជួរមុខដែលជាផ្នែកមួយយ៉ាងធំក្នុងការជម្រុញអោយគូស្នេហ៍សម្រេចចិត្តបែកគ្នាហើយដើរផ្លូវរៀងខ្លួន ដែលគេតែងចំណាំនិយាយថា «ឃ្លាតកាយ ណាយចិត្ត»។
ទាំងនេះសុទ្ធតែជាមូលហេតុចំបងៗដែលធ្វើឲ្យទំនាក់ទំនងឈានដល់ទីបញ្ចប់ ក៏ប៉ុន្តែទោះជាយ៉ាងណាក៏ដោយ រឿងប៉ុន្មានយ៉ាងនេះវាគ្រាន់តែជាឧបសគ្គក្នុងការពិសោធន៍ចិត្តស្មោះរបស់គូស្នេហ៍តែប៉ុណ្ណោះ៕