មានគូស្នេហ៍ជាច្រើនតែងតែរអ៊ូរទាំថាជីវិតស្នេហារបស់ពួគគេ ហាក់មិនសមប្រកបទាល់តែសោះ ត្បិតអីចេះតែមានរឿងរកាំរកូសមិនចេះចប់ មិនចេះហើយ។ ជាកាពិតហើយដែលរឿងរ៉ាវវិវាទក៏ដូចជាឧបសគ្គផ្សេងៗចូលមករកអ្នកទាំងពីរ ប៉ុន្តែនោះហាក់ដូចជាការសាកល្បងក្នុងជីវិតស្នេហារបស់អ្នកទាំងពីរតែប៉ុណ្ណោះ ថាតើអ្នកទាំងពីរមានស្នេហ៍ស្មោះរវាងគ្នានឹងគ្នាបានត្រឹមកម្រិតណា? នឹងចេះថែរក្សាសុភមង្គលក្នុងជីវិតស្នេហាបានយូរអង្វែងដែរ ឬអត់?
ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័សឆ្លើយតបនឹងសំណួរទាំងនេះ អ្នកអាចសាកល្បងនូវចំណុចពិសេសៗមួយចំនួនដែលវាអាចជួយឲ្យអ្នក និងដៃគូររបស់អ្នក ប្រើជីវិតគូប្រកបដោយសុភមង្គល និងបានយូរអង្វែងថែមទៀតផង។ សុភមង្គលនៅក្បែរដៃ ឲ្យតែគូស្នេហ៍ព្រមធ្វើនូវចំណុចទាំង ៤នេះ។ ចំណុចទាំងនោះរួមមាន៖
១/ ភាពស្មោះត្រង់
ចំណុចនេះគឺសំខាន់ណាស់ ដែលវាទាមទារអោយគូស្នេហ៍ទាងសងខាងត្រូវមានភាពស្មោះត្រង់ចំពោះគ្នា មានរឿងអ្វីត្រូវចេះចែករំលែកនឹងប្រាប់គ្នាត្រង់ទៅ ត្រង់មក កុំលាក់លៀមនូវកំហុសរបស់ខ្លួន កុំផិតក្បត់ ទាំងកាយ និងចិត្តក្នងអំឡុងពេលដែលស្រឡាញ់គ្នា ព្រោះភាពស្មោះត្រង់នេះហើយគឺជាចំណងមួយដ៏រឹងមាំនៅក្នុងទំនាក់ទំនងរវាងដៃគូ។
២/ បើកចិត្តទទួលយកនូវចំណុចខ្វះខាតរបស់ដៃគូ
អ្នកត្រូវដឹងថាមនុស្សគ្រប់រូបនៅលើលោកយើងនេះ មិនមានអ្នកណាល្អគ្រប់ដប់នោះទេ គឺប្រាកដណាស់ថានឹងមាននូវចំណុចមួយចំនួនដែលមិនត្រូវចិត្តរបស់អ្នក។ ហើយអ្នកវិញក៏ដូចគ្នា អ្នកនៅមានចំណុចមួយចំនួនដែលគេមិនត្រូវការ។ ដូចនេះត្រូវបើកចិត្តទទួលយក និងមិនបាច់រង់ចាំអោយគេធ្វើតាមសម្ដីរបស់អ្នកទាំងស្រុងនោះទេ។
៣/ អោយតម្លៃដៃគូរបស់អ្នក
បុរស និងនារីគឺមានការស្រឡាញ់កិត្តិយសរៀងៗខ្លួន ដូច្នេះម្នាក់ៗគឺចង់បានការគោរព អោយតម្លៃ ការយកចិត្តទុកដាក់ពីដៃគូ មិនថាក្នុងកាលៈទេសៈណាក៏ដោយសូមកុំគិតតែពីអារម្មណ៍របស់ខ្លួនឯងតែម្ខាងពេក ត្រូវចេះទុកមុខអោយគ្នាទៅវិញទៅមក។
៤/ ការស្រឡាញ់ដោយប្រើបេះដូង និងខួរក្បាល
មនុស្សមួយចំនួនមិនទាន់ចេះនៅក្នុងការគ្រប់គ្រងសេចក្តីស្រឡាញ់របស់ខ្លួននៅឡើយទេ ដោយច្រើនតែធ្វើទៅតាមអារម្មណ៍ ពេលស្រឡាញ់ក៏មើលឃើញថាល្អ លុះពេលភាគីម្ខាងទៀតធ្វើរឿងអ្វីមួយមិនត្រូវចិត្ត ក៏ចាប់ផ្តើមចាប់កំហុស ខឹងសម្បារភា្លមៗស្ទើតែភ្លេចរឿងល្អៗកាលពីមុនបាត់អស់ទៅហើយ។
ដូច្នេះអ្នកគួរតែសម្រួលអារម្មណ៍គិតទៅលើរឿងមុនៗដែលគេបានធ្វើល្អដាក់អ្នក និងអនុស្សាវរីយ៍រវាងអ្នកទាំងពីរដែលបានសាងទុកមកជាច្រើន ព្រមទាំងគោលដៅអនាគតដែលចង់រស់នៅជាមួយគ្នាដោយមានសុភមង្គលបានយូរអង្វែង៕
Bong I.T