ដូចការសង្ស័យមែន! គូស្នេហ៍នៅអង់គ្លេស ចេះតែមានអារម្មណ៍ថាមានអីម៉្យាងក្នុងផ្ទះ លុះឆែកកាមេរ៉ាសុវត្ថិភាព ទើបដឹងការពិត

អង់គ្លេស៖ ថ្មីៗនេះ គូស្នេហ៍មួយគូនៅប្រទេសអង់គ្លេស បានជួបរឿងរ៉ាវគួរឲ្យលួសព្រលឹងមួយ ក្រោយបានឆែកមើលកាមេរ៉ាសុវត្ថិភាពដែលដាក់ថតចោលក្នុងផ្ទះ ក៏ស្រាប់តែឃើញមានស្រមោលស្ទង់ៗចម្លែកម៉្យាង ហាក់ដូចជាខ្មោចកូនក្រមុំ។

លោក Darren Pallister អាយុ ២៧ឆ្នាំបានឲ្យដឹងថា ចាប់តាំងពីលោកនិងគូដណ្ដឹងឈ្មោះ Jessica Mason អាយុ ២៧ឆ្នាំដូចគ្នា បានរើចូលមករស់នៅក្នុងផ្ទះនេះ ដែលស្ថិតក្នុងភូមិ Aintree អ្នកទាំងពីរហាក់មានអារម្មណ៍ថាមានអ្វីមួយនៅទីនេះដែរ។ តែទោះជាយ៉ាងណា លោកពិបាកនិយាយណាស់ ព្រោះលោកមិនជឿលើរឿងទាំងអស់នេះទេ។

យ៉ាងណាមិញ នៅថ្ងៃមួយ នៅពេល Jessica ចូលគេងក្នុងបន្ទប់មុនលោក ហើយលោកនៅអង្គុយលេងហ្គេមម្នាក់ឯង លោកស្រាប់តែមានអារម្មណ៍ថាមាននរណាម្នាក់កំពុងអង្គុយនៅក្នុងបន្ទប់ទទួលភ្ញៀវជាមួយដែរ។

នៅទីបំផុត ក្រោយកើតមានមន្ទិលសង្ស័យ លោក Darren បានសម្រេចចិត្ដឆែកកាម៉េរាសុវត្ថិភាពមើលម្នាក់ឯង នៅវេលាម៉ោងប្រហែល៣រំលងអធ្រាត្រ ក៏បានប្រទះឃើញអ្វីម៉្យាងហាក់ដូចជាស្រមោលមនុស្សស្ទង់ៗ បានធ្វើចលនាទាំងអធ្រាត្រ។

ទោះជាយ៉ាងណា លោក Darren សង្ឃឹមថាខ្លួននឹងបានទាក់ទងជាមួយអ្នកប្រវត្តិវិទូក្នុងភូមិនេះ ដើម្បីឲ្យគាត់ជួយបំភ្លឺអំពីស្ថានភាពនៅទីនេះកន្លងមក ថាមានអ្វីកើតឡើង។ ខណៈម្ចាស់ផ្ទះ ដែលលោកបានទិញតមកនោះ ក៏មិនដឹងថាធ្លាប់មាននរណាម្នាក់ បានស្លាប់នៅទីនេះពីមុនដែរ៕

សូមទស្សនារូបភាពខាងក្រោម៖