អង់គ្លេស៖ គូស្នហ៍មួយគូបានទិញរថយន្ដក្រុង ២ ជាន់មួយគ្រឿងក្នុងតម្លៃ ៣,៥០០ ដុល្លារ យកទៅច្នៃម៉ូដចេញជាផ្ទះរស់នៅយ៉ាងប្រណីត ដោយបានអះអាងថាផ្ទះថ្មីនេះសឹងនឹងមានកន្លែងធំទូលាយជាងផ្ទះរបស់មិត្តភក្តិខ្លួនទៅទៀត។
ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័សនាង Charlie MacVicar អាយុ ២៦ ឆ្នាំ និងមិត្តប្រុស បានប្រាប់ឱ្យដឹងថា ពួកគេចង់រស់នៅផ្ទះជាមួយគ្នាដោយមិនចាំបាច់បង់រំលោះ ឬជួលផ្ទះឡើយ ជាហេតុញុំាងឱ្យពួកគេសម្រេចចិត្តទិញឡានក្រុងនេះយកមកកែច្នៃសាឡើងវិញទៅជាផ្ទះចល័តបំពាក់ដោយតុទូរគ្រឿងសង្ហារិមស្អាតៗជាច្រើន រួមទាំងសម្ភារៈផ្ទះបាយ បន្ទប់ទឹក បង្គន់ ឡកំដៅ តុការិយាល័យ និងប្រដាប់ប្រដាប្រើប្រាស់ប្រចាំថ្ងៃជាច្រើនទៀត។ ដោយឡែក បើចេញទៅក្រៅឡានក្រុងនេះ ពួកគេថែមទាំងមានរៀបចំជាកន្លែងអង្គុយមើលទូរទស្សន៍ មានភួយដណ្តប់ និងអាចយកស្រូបខ្យល់ធម្មជាតិ ថែមទាំងព័ទ្ធទៅដោយអំពូលភ្លើងតូចៗបំភ្លឺនៅពេលរាត្រី មើលទៅបរិយាកាសឡើងរ៉ូម៉ែនទិចគួរឱ្យចង់រស់នៅ។
គួរបញ្ជាក់ថា គូស្នេហ៍មួយគូនេះបានផ្លាស់ទៅរស់នៅក្នុងផ្ទះចល័តនេះក្នុងឆ្នាំ ២០១៨ បន្ទាប់ពីបានជួសជុលកែច្នៃវាឡើងវិញដោយមានជំនួយពីមិត្តភក្តិ និងក្រុមគ្រួសារ ព្រមទាំងបានជួលអ្នកជំនាញផ្នែកអគ្គិសនី បរិក្ខារ និងជាងឈើផ្សេងៗទៀតដោយចំណាយអស់ទឹកប្រាក់សរុបជិត ២៤,០០០ ដុល្លារ។ ហើយក៏បានជួលដីមួយកន្លែង ដើម្បីជាចំណតនៃផ្ទះច្នៃម៉ូតពីឡានក្រុងដ៏ប្រណីតនេះផងដែរ ហើយពួកគេថែមទាំងបានចិញ្ចឹមសត្វពពែ ២ ក្បាលទៀតផង៕