យល់ដឹង៖ គ្រឿងស្រវឹងគឺជាជម្រើសចម្បងសម្រាប់ការជួបជុំផ្សេងៗ តែការទទួលទានជាតិអាល់កុលញឹកញយពេកមិនល្អនោះទេសម្រាប់សុខភាព។ លោកអ្នកគួរតែព្យាយាមកាត់បន្ថយឬក៏ផ្ដាច់ឈប់ទទួលវាតែម្ដងកាន់ប្រសើរ ដើម្បីទទួលបាននូវសុខភាពល្អទៅថ្ងៃខាងមុខ។
ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័សខាងក្រោមនេះជាវិធីល្អៗសម្រាប់ជួយលោកអ្នកក្នុងការកាត់បន្ថយការញ៉ាំគ្រឿងស្រវឹងម្ដងបន្តិចៗយ៉ាងមានប្រសិទ្ធ ចង់ដឹងថាមានវិធីអ្វីខ្លះនោះតោះទៅតាមដានទាំងអស់គ្នា៖
៥. ធ្វើខ្លួនអ្នកឱ្យរវល់
ផ្លាស់ប្ដូរទម្លាប់បែរទៅលេងកីឡា ហាត់ប្រាណ ឬទៅមើលកុនវិញល្អជាង។ ប្រសិនបើអ្នកនៅផ្ទះ អាចបែរទៅរៀនធ្វើម្ហូប រៀបចំផ្ទះ ឬសកម្មភាពទាំងឡាយដែលកម្សាន្តអារម្មណ៍ ជាជាងផឹកគ្រឿងស្រវឹង។
៤. ឈប់ទៅតាមការអូសទាញពីមិត្តភក្ដិ
មិនគួរទន់ជ្រាយដោយសារការអូសទាញពីអ្នកដទៃនោះទេ ត្រូវតែចេះបដិសេធ ឬនៅឱ្យឆ្ងាយពីអ្នកដែលចូលចិត្តបបួលអ្នកផឹក។
៣. ផឹកយឺតៗ
មិនគួរលើកដាច់ញឹកពេកទេ អ្នកគួរផឹកតិចៗសន្សឹមៗ។ ម្យ៉ាងទៀតគួរមានសូដា ឬទឹកផ្លែឈើបន្ទាប់ពីផឹកគ្រឿងស្រវឹង ឬកុំផឹកគ្រឿងស្រវឹងនៅពោះទទេ។
២. រក្សាកំណត់ត្រានៃការផឹក
រក្សាកំណត់ត្រានៃការផឹករបស់អ្នករយៈពេលពី ៣ ទៅ ៤ សប្ដាហ៍ សូមកត់រាល់ពេលដែលអ្នកផឹកគ្រឿងស្រវឹង ព្រោះចង់ដឹងថាអ្នកផឹកច្រើនប៉ុណ្ណា។ ការពិនិត្យមើលលទ្ធផលនេះប្រហែលជាការភ្ញាក់ផ្អើលចំពោះទម្លាប់ផឹកប្រចាំសប្ដាហ៍របស់អ្នក។
១. កំណត់គោលដៅឲ្យបានច្បាស់លាស់
ប្រកាសប្រាប់គ្រួសារ និងមិត្តភក្ដិថាអ្នកកំពុងតែព្យាយាមផ្ដាច់ស្រា ដើម្បីឲ្យពួកគេគាំទ្រក្នុងការជាសះស្បើយរបស់អ្នក និងបដិសេធក្នុងអូសទាញនានា។ ម៉្យាងទៀតមិនគួរឱ្យមានគ្រឿងស្រវឹងនៅក្នុងផ្ទះនោះទេ៕
Bong I.T