ចេះរកនឹកឃើញ! គូស្នេហ៍នេះ យកច្រវាក់ចងជាប់ដៃគ្នារយៈពេល៣ខែ ដើម្បីតេស្តថាទំនាក់ទំនងស្នេហារឹងមាំប៉ុនណា…តែពេលចូលបង្គន់ទើបដឹងពិបាក (មានវីដេអូ)

អ៊ុយក្រែន៖ នាពេលថ្មីៗនេះ គូស្នេហ៍វ័យក្មេងមួយគូនៅប្រទេសអ៊ុយក្រែន បានសម្រេចចិត្ដយកច្រវាក់ចងដៃភ្ជាប់គ្នារយៈពេល៣ខែ សម្រាប់ការធ្វើតេស្ដមើលពីទំហំក្ដីស្រលាញ់រវាងគ្នានឹងគ្នា។

តាមប្រភពព័ត៌មានបានឲ្យដឹងថា លោក Alexander និងដៃគូឈ្មោះ Viktoria បានជ្រើសរើសយកថ្ងៃបុណ្យនៃក្ដីស្រលាញ់កន្លងទៅថ្មីៗនេះជាថ្ងៃចាប់ផ្ដើមចងច្រវាក់ដៃភ្ជាប់គ្នា ដែលធ្វើឡើងនៅជិតរូបចម្លាក់ស្ថិតក្នុងទីក្រុង Kyiv​ ។ ហើយបើតាមលោក Vitaly Zonrin ជាអ្នកចុះបញ្ជីកំណត់ត្រានៅអ៊ុយក្រែន ដែលគ្រប់គ្រងលើការធ្វើតេស្ដនេះ បានបញ្ជាក់ថា ដៃរបស់ពួកគេទាំងពីរមានគម្លាតពីគ្នាតែពីរទៅបីសង់ទីម៉ែត្រប៉ុណ្ណោះ។

ដោយឡែក ចំពោះ Alexnader ដែលជាសាមីខ្លួនបានអះអាងបែបនេះថា៖

យ៉ាងណាមិញ ការធ្វើតេស្ដលើកដំបូងរបស់គូស្នេហ៍គូនេះ គឺការធ្វើដំណើរទៅផ្ទះចម្ងាយជាង ៥០០គីឡូម៉ែត្រពីទីក្រុង Kyiv តាមតាក់ស៊ី។ ក្នុងដំណើរនេះដែរ អ្នកទាំងពីរហាក់ពិបាកក្នុងការសម្រចចិត្ដថាតើគួរប្រើបង្គន់មនុស្សប្រុស ឬ ស្រីរួមគ្នា នៅឯហាងកាហ្វេមួយកន្លែង។ តែទីបំផុតពួកគេបានសម្រេចចិត្ដប្រើបង្គន់មនុស្សស្រី ដែលបណ្ដាលឲ្យបុគ្គលិកអនាម័យភ្ញាក់ផ្អើលជាខ្លាំង។

ក្រៅពីនេះ ពួកគេក៏បានបង្ហោះវីដេអូដែលបង្ហាញពីសកម្មភាពរស់នៅប្រចាំថ្ងៃផងដែរ ដូចជារបៀបស្លៀកពាក់ របៀបងូតទឹក និងសកម្មភាពមួយចំនួនផ្សេងទៀត។

គូស្នេហ៍វ័យក្មេងគូនេះមានទំនុកចិត្ដថា ពួកគេនឹងអាចធ្វើបានសម្រាប់ការនៅក្បែរគ្នាគ្រប់វិនាទី រយៈពេល៣ខែនេះ។ ដោយឡែក លោក Zonrin បានពន្យល់ដែរថា ប្រសិន​បើ​ពួកគេ​សម្រេចចិត្ត​បែក​គ្នាកំឡុង​ការធ្វើតេស្ដសាកល្បងរយៈពេល​៣​ខែ​នេះ ពួកគេនឹង​ត្រូវ​រក​អ្នកជំនាញ​មកពី​សេវា​សង្គ្រោះបន្ទាន់​ដើម្បី​កាត់ច្រវាក់​ចេញ​ហើយ៕

សូមទស្សនារូបភាព និងវីដេអូខាងក្រោម៖