គូស្នេហ៍ ៥៩ គូនៅថៃ រៀបការលើខ្នងដំរី ចំថ្ងៃបុណ្យនៃក្ដីស្រលាញ់ម្សិលមិញ (មានវីដេអូ)

ថៃ៖ គូស្នេហ៍ចំនួន ៥៩គូនៅក្នុងប្រទេសថៃ បានរៀបការខណៈពេលកំពុងជិះនៅលើខ្នងដំរី កាលពីថ្ងៃអាទិត្យ ទី១៤ ខែកុម្ភៈម្សិលមិញនេះ នៅក្នុងពិធីរៀបការជុំគ្នាដ៏ធំប្រចាំឆ្នាំចំថ្ងៃបុណ្យនៃក្ដីស្រលាញ់ ដែលបានរៀបចំឡើងនៅឯសួនរុក្ខជាតិមួយ ស្ថិតនៅភាគខាងកើតទីក្រុងបាងកក។

ជាក់ស្ដែង នៅក្នុងពិធីរៀបការនោះគេឃើញថា អ្នក​រាំ ​និង​ក្រុម​តន្ដ្រីបាន​ដឹកនាំ​ក្បួន​សត្វ​ដំរី និងកូនកំលោះកូនក្រមុំ ហើយ​​​​​​​​​​​​​​​​​​រួមទាំង​មន្ត្រី​មូលដ្ឋាន​ម្នាក់ផងដែរ​ដែល​ជិះខ្នង​ដំរីដូចគ្នា បាន​អញ្ជើញធ្វើ​ជា​អធិបតី​នៃ​ការចុះហត្ថលេខា​លើ​លិខិត​អាពាហ៍ពិពាហ៍​របស់ពួកគេ។​

កូនកំលោះម្នាក់ឈ្មោះ Patiphat Panthanon អាយុ២៦ឆ្នាំ ដែលអង្គុយជាប់នឹងកូនក្រមុំរបស់គាត់អាយុ ២៣ឆ្នាំ បាននិយាយថា៖

គួរឲ្យដឹងថា ពិធីរៀបការលើ​ខ្នង​ដំរី​នេះ គឺ​ជា​ព្រឹត្តិការណ៍​ប្រចាំ​ឆ្នាំ​មួយ​នៅក្នុងសួន Nong Nooch Tropical ស្ថិតក្នុងខេត្ដឈុនបុរី ដែល​ជា​រៀងរាល់ឆ្នាំ​បាន​ទាក់ទាញ​គូស្នេហ៍ដល់ជាងមួយរយគូឯណោះ ​ តែ​ឆ្នាំនេះដោយសារវិបត្ដិ​ជំងឺ​ឆ្លងកូវី​ដ​-១៩ ទើបធ្វើឲ្យចំនួន​​អ្នកចូលរួម​ថយចុះ​។

ទន្ទឹមនឹងនេះដែរ លោក Kampon Tansacha ប្រធានគ្រប់គ្រងសួនបាននិយាយថា ដោយសារតែមានវិធានការត្រួតពិនិត្យយ៉ាងល្អិតល្អន់សម្រាប់ភ្ញៀវទេសចរ ដូច្នេះពួកគេមានអារម្មណ៍ថាមានសុវត្ថិភាពជាមុន ហើយពួកគេក៏បានចាប់ផ្ដើមត្រឡប់មកលេងសួនបណ្ដើរៗវិញហើយ។

​​គួរបញ្ជាក់ថា ប្រទេសដែលពឹងផ្អែកលើវិស័យទេសចរណ៍មួយនេះ មិនទាន់ដកចេញនូវច្បាប់ហាមឃាត់ការធ្វើដំណើរ ដែលបានដាក់កាលពីខែមេសាឆ្នាំមុននៅឡើយទេ ខណៈបច្ចុប្បន្នប្រទេសនេះ នៅតែបន្ដរកឃើញករណីឆ្លងថ្មីៗស្ទើររាល់ថ្ងៃ៕

សូមទស្សនារូបភាពបន្ថែម និងវីដេអូខាងក្រោម៖