ឆន សុវណ្ណរាជ ប្តូរស្ទាយ៍សក់ថ្មីនេះសឹងតែគ្រប់កម្មវិធី បន្ទាប់ពីហ្វេនៗសរសើរថាសង្ហា និងលើកសម្រស់

 ភ្នំពេញ៖ បើគិតមកទល់ពេលនេះ កំពូលតារាចម្រៀងប្រចាំផលិតកម្មរស្មីហង្សមាស ឆន សុវណ្ណរាជ បានឈានជើងប្រឡូកក្នុងសិល្បៈមិនក្រោម ១០ ឆ្នាំទេ ដែលតារាចម្រៀងប្រុសរូបនេះបានសាងកេរ្តិ៍ឈ្មោះ ភាពល្បីល្បាញ និងប្រជាប្រិយភាពខ្លាំងស្ទើរតែពាសពេញប្រទេស។

តួយ៉ាង ទោះបីជាបច្ចុប្បន្នតារាចម្រៀងប្រុសរូបនេះមានវ័យកាន់តែច្រើន ប៉ុន្តែលោកនៅតែមានសម្រស់ស្រស់សង្ហា ជាមួយនឹងស្ទាយ៍សម្លៀកបំពាក់ និងការតុបតែងខ្លួនគឺទាន់សម័យកាល។ ហើយបើនិយាយពីម៉ូដសក់វិញភាគច្រើនលោក ឆន សុវណ្ណរាជ ចូលចិត្តទម្លាក់សក់បាំងថ្ងាសរាល់ពេលដែលលោកថតវីដេអូចម្រៀង និងឡើងចម្រៀងក្នុងកម្មវិធី ប៉ុន្តែថ្មីៗនេះតារាចម្រៀងប្រុសរូបនេះបានប្តូរម៉ូដសក់ថ្មីដោយលើកសក់ឡើងលើ ធ្វើឲ្យអ្នកគាំទ្រចាប់អារម្មណ៍ខ្លាំងមែនទែន ក្រោយពេលលោកបានផ្លាស់ប្តូរម៉ូតសក់នេះ ហើយអ្នកគាំទ្រជាច្រើនថែមទាំងបាននិយាយថា ម៉ូដសក់នេះគឺពិតជាសិក្ក័សម​ លើកសម្រស់ និងប្លែកខ្លាំងសម្រាប់លោក ឆន សុវណ្ណរាជ។

បន្ទាប់ពីទទួលបានការសរសើរច្រើនពីអ្នកគាំទ្រឃើញថា លោក ឆន សុវណ្ណរាជ តែងតែធ្វើស្ទាយ៍ម៉ូដសក់នេះគ្រប់កម្មវិធី ពិសេសសូម្បីតែក្នុងវីដេអូចម្រៀងដែលនឹងចេញក្នុងពេលឆាប់ៗនេះក៏លោកបានផ្លាស់ប្តូរម៉ូដសក់នេះផងដែរ៕

ចង់ជ្រាបច្បាស់ សូមទស្សនារូបភាពខាងក្រោមនេះ ៖