ពូកែច្រឡំឆ្វេងស្ដាំពេក ស្រាប់តែនារីរូបនេះ ចាក់សាក់តួអក្សរតំណាងឲ្យឆ្វេងស្ដាំលើដៃទាំងសងខាង

អូស្ត្រាលី៖ នារីម្នាក់ជាជនជាតិអូស្ត្រាលី ដែលតែងតែមានបញ្ហាច្រឡំឆ្វេងស្ដាំ បានរកឃើញដំណោះស្រាយចំពោះបញ្ហានេះ ដោយការចាក់សាក់តួអក្សរតំណាងឲ្យឆ្វេងស្ដាំលើដៃទាំងសងខាង។

នារីខាងលើ មានឈ្មោះថា D’Kodia Laine អាយុ២៣ឆ្នាំ ហើយនាងបានឲ្យដឹងដែរថា នាងតែងតែជួបប្រទះនូវផលលំបាករាល់ពេលធ្វើដំណើរម្ដងៗ ព្រោះតែការភាន់ច្រឡំជាមួយនឹងទិសដៅឆ្វេងស្ដាំ អស់រយៈពេលជាច្រើនឆ្នាំមកហើយ។ ទន្ទឹមនឹងនេះដែរ នាងក៏ទទួលបានការសើចចំអកពីសំណាក់មនុស្សជុំវិញខ្លួនផងដែរ។

កាលពីឆ្នាំមុន បន្ទាប់ពីបើកបរបត់ខុសផ្លូវពីរទៅបីដងរួចមក មិត្តភក្ដិរបស់នាងម្នាក់ បាននឹកឃើញវិធីមួយ ដែលសរសេរអក្សរ L (left) តំណាងឲ្យឆ្វេង និង R (Right) តំណាងឲ្យស្ដាំលើដៃនាងផ្ទាល់ ចៀសវាងបើកបរខុសទិសដៅទៀត ហើយវិធីនេះ ពិតជាមានប្រយោជន៍សម្រាប់នាងមែនទែន។

យ៉ាងណាមិញ លុះមកដល់ថ្ងៃទី០៣ ខែកុម្ភៈ ឆ្នាំ២០២១នេះ នាងក៏សម្រេចចិត្ត ចាក់សាក់តួអក្សរទាំងពីរតួ ដែលតំណាងឲ្យឆ្វេងស្ដាំតែម្ដង។ ហើយមិត្តប្រុសរបស់នាងពិតជាមានអារម្មណ៍រំភើបជាខ្លាំង ដែលនាងនឹងមិនបើកបរ ឬធ្វើអ្វីមួយខុសទិសដៅទៀតទេ៕

សូមទស្សនារូបភាពខាងក្រោម៖