Messi ឈរលេខ២! មើលបាល់យូរហើយ តិចមិនដឹងថាកីឡាករទាំង១១រូបនេះស៊ុតបានច្រើនជាងគេក្នុងប្រវត្តិសាស្ត្រ UCL

អឺរ៉ុប៖ ការប្រកួតបាល់ទាត់ពានរង្វាន់ UEFA Champions League វគ្គ១៦ក្រុមចុងក្រោយដែលរៀបចំឡើងដោយសហព័ន្ធកីឡាបាល់ទាត់ទ្វីបអឺរ៉ុប នៅរដូវកាលនេះនឹងត្រឡប់មកប្រកួតវិញនៅថ្ងៃទី១៦ខែកុម្ភៈនេះហើយខណៈដែលអ្នកគាំទ្របាល់ទាត់ទាំងអស់កំពុងរង់ចាំយ៉ាងអន្ទះសារមើលការប្រកួតគូពិសេសៗគីឡូធ្ងន់ដូចជា Barcelona ប៉ះ Paris Saint-Germain និង Atletico Madrid ប៉ះ Chelsea ជាដើម។

ដោយឡែកមុនការប្រកួតមកដល់ យើងក្រឡេកមកមើលបញ្ជីឈ្មោះកីឡាករទាំងដប់នាក់ដែលរកគ្រាប់បាល់បានច្រើនជាងគេបំផុតនៅក្នុងប្រវិត្តិសាស្ត្រ UCL ដែលក្នុងនោះមានខ្សែប្រយុទ្ធឆ្នើមពីរនាក់គឺ Cristiano Ronaldo និង Lionel Messi ស្រវាយកតំណែងលេខ១និងលេខ២ ដែលក្រៅពីនោះក៏មានកីឡាករឆ្នើមៗផ្សេងទៀតទាំងថ្មីនិងចាស់ដូចជា ខ្សែប្រយុទ្ធ Robert Lewandowski នៃក្លិប Bayern Munich និង វីរបុរស Thierry Henry ជាដើម។

ខាងក្រោមនេះជាចំណាត់ថ្នាក់កីឡាករទាំង១១រូបដែលស៊ុតបញ្ចូលទីក្នុងក្របខណ្ឌ UEFA Champions League បានច្រើនជាងគេបំផុត៖

• ខ្សែប្រយុទ្ធ Filippo Inzaghi (លេងនៅក្លិប Juventus និង AC Milan) រកបាន ៤៦គ្រាប់

• ខ្សែប្រយុទ្ធ Thomas Muller (លេងនៅក្លិប Bayern Munich) រកបាន ៤៧គ្រាប់

• ខ្សែប្រយុទ្ធ Andriy Shevchenko (លេងនៅ Dynamo Kiev,AC Milan,Chelsea) រកបាន ៤៨គ្រាប់ 

•   ខ្សែប្រយុទ្ធ Zlatan Ibrahimovic (លេងនៅ Ajax,Juventus, Inter Milan, Barcelona, AC Milan,Paris Saint-Germain,Manchester United) រកបាន ៤៨ គ្រាប់  

• ខ្សែប្រយុទ្ធ Thierry Henry (លេងនៅ Monaco, Arsenal,Barcelona) រកបាន ៥០គ្រាប់

• ខ្សែប្រយុទ្ធ Rudd Van Nistelrooy (លេងនៅក្លិប PSV Eindhoven,Manchester United,Real Madrid) រកបាន ៥៦ គ្រាប់

• ខ្សែប្រយុទ្ធ Karim Benzema (លេងនៅ Lyon,Real Madrid) រកបាន ៦៩គ្រាប់

• ខ្សែប្រយុទ្ធ Robert Lewandowski (លេងនៅ Borussoa Dortmund,Bayern Munich)រកបាន ៧១ គ្រាប់

• ខ្សែប្រយុទ្ធ Raul (លេងនៅ Real Madrid និង Schalke) រកបាន ៧១គ្រាប់
  

• ខ្សែប្រយុទ្ធ Lionel Messi (លេងនៅ Barcelona)រកបាន ១១៨គ្រាប់

• ខ្សែប្រយុទ្ធ Cristiano Ronaldo (Manchester United,Real Madrid,Juventus) រកបាន ១៣៤គ្រាប់

ប្រភព៖ talksport