អង់គ្លេស៖ ក្លិប Southampton កំពុងរៀបចំធ្វើការស្នើសុំមិនឲ្យលោកអាជ្ញាកណ្ដាលទាំងពីរនាក់ឈ្មោះ Lee Mason និង Mike Dean ចូលធ្វើអាជ្ញាកណ្ដាលក្នុងការប្រកួតរបស់ពួកគេទៀតនោះឡើយ នេះបើយោងតាមសេចក្ដីរាយការណ៍។
ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័សពួកគេបានខឹងសម្បារយ៉ាងខ្លាំងនឹងការសម្រេចចិត្តរបស់អាជ្ញាកណ្ដាលបន្ទាប់ពីអាជ្ញាកណ្ដាលទាំងពីរនាក់នេះធ្លាប់ទទួលបន្ទុកចូលឃ្លាំមើលការប្រកួតរវាង Southampton ទល់នឹង Aston Villa និងមួយទៀតគឺទល់នឹង Man UTD ដែលពីរប្រកួតនេះ ក្លិបSouthampton សុទ្ធតែទទួលរងភាពអយុត្តិធម៌ទាំងអស់។
Southampton ចាញ់ Aston Villa ១ ទល់នឹង ០ កាលពីថ្ងៃសៅរ៍ឈានចូលថ្ងៃអាទិត្យកន្លងទៅប៉ុន្តែលោកអាជ្ញាកណ្ដាលនេះមិនឲ្យផ្ដល់បាល់ប៉េណាល់ទីមកឲ្យក្រុមគេនោះឡើយទាំងដែលបាល់បានប៉ះនឹងដៃរបស់ កីឡាករ Matty Cash របស់ Aston Villa ហើយមួយទៀតគឺគ្រាប់បាល់ដែល Danny Ings ស៊ុតចាត់ទុកថាជាគ្រាប់បាល់ជំហរក្រៅល្បែង (Offside) តែអាជ្ញាកណ្ដាលនៅតែសម្រេចប្រគល់ឲ្យ។
ចំពោះការប្រកួតទល់នឹង Man UTD វិញគឺ Southampton នៅលេងតែ៩នាក់គត់ខណៈកីឡាករ២នាក់បានទទួលកាតក្រហមភ្លាមៗ ហើយពួកគេថែមទាំងត្រូវអាជ្ញាកណ្ដាលសម្រេចមិនផ្ដល់បាល់ឲ្យព្រោះថាជាបាល់ Offside ទៀតផង ។
ដោយសារមើលឃើញថាមានភាពមិនប្រក្រតីជាច្រើនទើប Southampton មានអារម្មណ៍ថាអាជ្ញាកណ្ដាលដូចជាមិនចូលចិត្តក្រុមរបស់ពួកគេទើបបានធ្វើការស្នើសុំទៅវិទ្យាស្ថានខាងផ្គត់ផ្គង់អាជ្ញាកណ្ដាលក្នុងការប្រកួត ហៅកាត់ថា PGMOL ដោយសុំមិនឲ្យអាជ្ញាកណ្ដាលពីររូបគឺ Lee Mason និង Mike Dean ចូលមកត្រួតពិនិត្យមើលការប្រកួតរបស់ពួកគេទៀតនោះឡើយ។
មួយវិញទៀតក្លិបក៏គ្រោងនឹងដាក់ញ្ញាត្តិតវ៉ានឹងកាតក្រហមរបស់ខ្សែការពារ Jan Bednarek ផងដែរ៕
ប្រភព៖ dailymail