ឥណ្ឌា៖ គូស្នេហ៍ឥណ្ឌាមួយគូបានអនុវត្តវិធានការរក្សាគម្លាត ដោយជ្រើសរើសរៀបពិធីអាពាហ៍ពិពាហ៍ក្នុងសមុទ្រជម្រៅ ១៨ ម៉ែត្រ កាលពីព្រឹកថ្ងៃ ច័ន្ទ នៅឆ្នេរ Neelankarai ប្រទេសឥណ្ឌា។ នេះបើយោងតាមការចុះផ្សាយរបស់សារព័ត៌មាន UPI។
ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័សមង្គលការនៅក្នុងសមុទ្រនេះបានដំណើរការយ៉ាងរលូន ដោយគូស្វាមីភរិយាបានដឹកដៃគ្នាចុះទឹក ស្ពាយអុកស៊ីហ្សែនសម្រាប់ដកដង្ហើម រួមទាំងពាក់វ៉ែនតាមុជទឹក ក្រោមការហែហមនិងជំនួយពីក្រុមអ្នកចូលរួម និងអ្នកជំនាញមុជទឹក។ ទន្ទឹមនឹងនោះ ពួកគេបានតុបតែងខ្លួនក្នុងឈុតកូនកំលោះកូនក្រមុំ និងកាន់បាច់ផ្កា ព្រមទាំងពាក់កម្រងផ្កាឱ្យគ្នាទៅវិញទៅមកផងដែរ។
ក្នុងនោះកូនក្រមុំ ឈ្មោះថា Swetha បានរៀបរាប់យ៉ាងដូច្នេះថា នាងទើបតែរៀនមុជទឹកបានរយៈពេលត្រឹម ១ ខែប៉ុណ្ណោះមុនរៀបចំពិធីនេះ។ ហើយវាក៏ធ្វើឱ្យនាង និងឪពុកម្តាយមានអារម្មណ៍ភ័យបន្តិចបន្តួចដែរ ប៉ុន្តែដោយសារតែមានអ្នកជំនាញមុជទឹកដល់ទៅ ៨ នាក់ទៅហើយ នាងមិនចាំបាច់ត្រូវព្រួយបារម្ភអ្វីទៀតឡើយ៕
Bong I.T